نہیں صاحب ہم نہیں جانتے ہیں اور بالکل بھی نہیں جانتے ہیں کہ غزہ میں ہسپتال پر حملہ کس نے کیا… ہم بالکل بھی نہیں جانتے ہیں۔لیکن ایک بات ہم جانتے ہیں کہ حملہ کسی نے بھی کیا ہو گا… اسرائیل نے اور حماس یا کسی اور قوت نے بھی… اسرائیل پر شک اس لئے زیادہ ہے کہ وہ گزستہ دس دنوں سے غزہ پر بمباری کررہا ہے… غزہ کی اینٹ سے اینٹ بجا رہا ہے… حماس کے ساتھ ساتھ عام لوگوں کو بھی نشانہ بنا رہا ہے تو… تو ایسے میں اگر عرب ممالک‘ ایسے میں اگر حماس‘ایسے میں اگر فلسطینی صدر‘ حملے کیلئے اسرائیل کو ہی ذمہ دار قرار دیں تو… تو صاحب ہم سمجھتے سکتے ہیں… لیکن… لیکن جو ہم نہیں سمجھ سکتے ہیں اور… اور بالکل بھی نہیں سمجھ سکتے ہیں کہ … کہ امریکہ کے صدر ‘ جو بائیڈن کیسے اس نتیجہ پر پہنچ گئے ہیں کہ حملہ کسی اور نے کیا ہے… اسرائیل نے نہیں کیا ہے… بالکل بھی نہیں کیا ہے …بائیڈن ‘جو اسرائیل کے دورے پر ہیں ‘نے غزہ کے اس ہسپتال‘ جس پر حملے میں ۵۰۰ سو فلسطینی شہری… عام شہری مارے گئے ‘کے بارے میں جب پوچھا گیا تو…توانہوں نے کہا…’یہ دوسری ٹیم کی طرف سے کیا گیا ہے‘… اشارہ صاف کہ امریکی صدر سمجھتے ہیں… کہنا چاہتے ہیں… کہہ رہے ہیں کہ حملہ اسرائیل نے نہیں کیا… یعنی امریکی صدر نے اسرئیل کی سرزمین پر قدم رکھتے ہی اسرائیل کو کلین چٹ دی… یقین کریں کہ اسرائیل کو کلین چٹ دینے پر ہمیں کوئی اعتراض نہیں ہے… اور اس لئے نہیں ہے کیونکہ امریکہ اسرائیل کے قیام کے بعد سے ہی یہی تو کرتا آیا ہے… لیکن حیران ضرور ہیں کہ بائیڈن اتنی جلدی کیسے اس نتیجے پر پہنچ گئے کہ حملے میں اسرائیل کا ہاتھ نہیں ہے… وہ اس میں ملوث نہیں ہے… ابھی تو اس کی تحقیقات بھی شروع نہیں ہو ئی ہے… ابھی توالزام اور جوابی الزامات ہی عائد ہو رہے ہیں اور… اور ایک امریکہ کے صدر ہیں جو اسرائیل کو حملے کیلئے ذمہ دار نہیں سمجھتے ہیں… ممکن ہے کہ ایسا ہی ہو… یہ بھی ممکن ہے کہ حملے میں غزہ یا فلسطین کا ہی کوئی گروپ ملوث ہو اور… اور اس لئے ہو کیونکہ امریکی صدر خطے کے دورے پر ہیں… لیکن صاحب حملہ اتنا سنگین ہے… بھیانک اور … اور وحشت ناک ہے ‘دردناک ہے کہ… کہ آپ کیسے بغیر کسی تحقیقات کے کسی ایک فریق کو بری اور دوسرے کو مجرم نہیں قرار دے سکتے ہیں … وہ بھی تب جب غزہ کے آسمانوں سے کوئی اور نہیں بلکہ اسرائیل آگ بر سا رہا ہے۔ ہے نا؟