وادی میں آئندہ ۴۸گھنٹوں کے دوران مزید بارشیں متوقع:محکمہ موسمیات

سرینگر//
وادی کشمیر میں دگرگوں موسمی صورتحال کے بیچ محکمہ موسمیات نے اگلے۴۸گھنٹوں کے دوران مزید بارشوں کی پیش گوئی کی ہے ۔
متعلقہ محکمے کے ایک ترجمان کے مطابق وادی میں اگلے۴۸گھنٹوں کے دوران گرج چمک کے ساتھ ہلکی سے درمیانی درجے کی بارشیں ہونے کا امکان ہے ۔انہوں نے کہا کہ وادی میں۷مئی کو بھی مطلع ابر آلود رہنے کے بیچ کہیں کہیں بارشیں متوقع ہیں تاہم اس کے بعد موسم بہتر ہونے کا امکان ہے ۔
ادھر بارشوں کے بیچ وادی کے بیشتر مقامات پر شبانہ درجہ حرارت میں قدرے گراوٹ درج کی گئی۔
دارلحکومت سرینگر میں گذشتہ چوبیس گھنٹوں کے دوران۳ء۱۱ملی میٹر بارش ریکارڈ ہوئی ہے جبکہ کم سے کم درجہ حرارت۱ء۱۱ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۷ء۰ڈگری سینٹی گریڈ کم تھا۔وادی کے مشہور زمانہ سیاحتی مقام گلمرگ میں گذشتہ چوبیس گھنٹوں کے دوران سب سے زیادہ۶ء۲۸ملی میٹر بارش ریکارڈ ہوئی ہے جبکہ کم سے کم درجہ حررات۶ء۱ڈگری سینٹی گریڈ ریکارڈ کیا گیا جو معمول سے ۷ء۲ڈگری سینٹی گریڈ کم ریکارڈ ہوا ہے ۔
دریں اثنا وادی میں جمعرات کو صبح سے ہی موسم ابر آلود رہا اور آفتاب اور بادلوں کے درمیان دن بھر سنگھرش جاری رہا۔