نیوی لینڈ کے ٹم ساؤتھی ورلڈکپ کیلئے فٹ قرار

ویلنگٹن//
آئی سی سی کرکٹ ورلڈکپ 2023 کےلیے نیوزی لینڈ کے فاسٹ بولر ٹم ساؤتھی کو فٹ قرار دے دیا گیا۔
نیوزی لینڈ کرکٹ کا کہنا ہے کہ ٹم ساؤتھی رواں ہفتے بھارت میں ورلڈکپ اسکواڈ کو جوائن کریں گے۔
نیوزی لینڈ کرکٹ کے مطابق ٹم ساؤتھی دائیں ہاتھ کے انگوٹھے کی انجری کے باعث سرجری سے صحتیاب ہو رہے ہیں جبکہ ممکنہ طور پر فاسٹ بولر کائیل جیمی سن بھی بھارت میں ورلڈکپ اسکواڈ کو جوائن کریں گے۔
خیال رہے کہ کائیل جیمی سن ورلڈکپ اسکواڈ کا حصہ نہیں تھے، اسی وجہ سے وہ وارم اپ میچ کا حصہ نہیں ہوں گے۔
نیوزی لینڈ نے جمعہ کو پاکستان اور پیر کو جنوبی افریقہ کے خلاف وارم اپ میچ کھیلنا ہے۔