سرینگر//
چیف سیکر یٹری‘ ڈاکٹر ارون کمار مہتا نے مختلف سرکاری خدمات کی زیادہ شفافیت اور گھر تک رسائی کیلئے ای۔اقدامات کے ذریعے عام شہریوں کی زندگی کو مزید آسان بنانے کے مقصد سے آج آئی آئی ڈیپارٹمنٹ کے تفصیلی جائزہ میٹنگ کی صدارت کی۔
ڈاکٹرمہتانے جائزہ کے موقعہ پر آئی ٹی کے مختلف اَقدامات کا بھی آغاز کیا جن میں پانچ نئی آن لائن خدمات عوام کے لئے وقف کرنا ، اوپن گورنمنٹ ڈیٹا ( او جی ڈی ) پلیٹ فارم، سائبر کرائسس مینجمنٹ پلان ( سی سی ایم پی) اور ڈیجیٹل اِنٹرن شپ پروگرام۰ء۲ کی نقاب کشائی کرنا شامل ہے ۔
ٍ چیف سیکریٹری نے ریاستوں اور یوٹیز میں سرفہرست مقام حاصل کرنے کا سنگ میل حاصل کرنے کے لئے ٹیم جموںوکشمیر کی کوششوں کی سراہنا کی ۔
ڈاکٹر مہتا نے جموں کشمیر کی ٹیم کی کوششوں کی ستائش کی جنہوں نے شہریوں کیلئے دستیاب ای۔خدمات نمبر کے لحاظ سے ریاستوں اور یوٹیز میں سرفہرست مقام حاصل کرنے کا سنگ میل حاصل کیا ہے۔ اُنہوں نے اس بات پر بھی زور دیا کہ اس کامیابی سے ہر کسی کو عام لوگوں کی سہولیت کو مزید بڑھانے کے لئے حوصلہ اَفزائی کرنی چاہیے جو اِی موڈ پر فراہم کرنے کی ضرور ت ہے۔
چیف سیکریٹری نے اِس بات پر زور دیا کہ وہ اِی۔ خدمات نے تمام محکموں کے کام کاج میں مؤثریت پید ا کی ہے اور یہ جموںوکشمیر اِنتظامیہ کے ’’ بھرشٹاچار مُکت جموںوکشمیر‘‘ کے مقصد کو پورا کرنے میں ایک بہت طاقتور ذریعہ ہے ۔ ۔ اِی۔اقدامات کو عوام کی جانب سے بھی بڑے پیمانے پر سراہا جارہا ہے۔اُنہوں نے محکمہ پر زور دیا کہ وہ اِی۔ سروسز کے پورٹ فولیو کو وسعت دینے کیلئے اَپنی کوششیں جاری رکھے ، نئی خدمات کو شامل کرنے کا مشورہ دیا اور۱۵۰۰اِی خدمات تک پہنچنے کا ہدف مقرر کیا۔
ڈاکٹر ارون کمار مہتا نے اِی۔ آفس کے جائزے کے دوران فائلوں کو تیزی سے نمٹانے کیلئے مختلف سرکاری محکموں میں اِی۔ فائلوں کے بیک لاگ کو اُجاگر کرنے والی جامع رِپورٹوں کو مرتب کرنے کی ہدایت دی ۔ اُنہوں نے صارفین کی نشاندہی کرنے کی اہمیت پر زور دیا جو کم فائل ڈسپوزل ریٹ ظاہر کرتے ہیں۔ مزید برآں، انہوں نے ای۔ آفس آپریشنز میں وائس ٹو ٹیکسٹ کنورٹرس جیسی جدید ٹیکنالوجیوں کو اپنانے پر زور دیا اور ڈیجیٹل ڈی پی آر اور ورچیول ٹورکے اقدامات کی پیش رفت کا جائزہ لیا۔
چیف سیکریٹری نے بروقت عوامی خدمات کی فراہمی کے حق کے بارے میں عام لوگوں کو آگاہ کرنے اور بااختیار بنانے اور شفافیت کو بڑھانے کے لئے اس ماہ کے آخیرسے قبل ای۔سروس کی درخواست جمع کرنے پر لوگوں کو بھیجے گئے ایس ایم ایس میں پی ایس جی اے ٹائم لائن کو شامل کرنے کی ہدایت دی۔
دریں اثنا، چیف سیکرٹری نے اوپن گورنمنٹ ڈیٹا( او جی ڈی ) پلیٹ فارم ، سائبر کرائسس مینجمنٹ پلان ( سی سی ایم پی ) او رڈیجیٹل اِنٹرن شپ پروگرام۰ء۲کی نقاب کشائی کرتے ہوئے ڈیجیٹل تبدیلی کی طرف ان اقدامات کو جموںوکشمیر میں بہتر شفافیت کا ثبوت اور نئے افق کی تخلیق قرار دیا۔
اِس موقعہ پر کمشنر سیکرٹری آئی ٹی پریرنا پوری نے میٹنگ کو بتایا کہ اِس برس محکمہ ’ ڈیجیٹل اِنٹرن شپ پروگرام ۰ء۲‘ کے تحت تربیت کیلئے ۱۷انٹرنزکا ایک بیچ لے رہا ہے ۔ اُنہوں نے کہا کہ اس پروگرام کا مقصد سرکاری خدمات اور عمل کے کام کاج کو بہتر طریقے سے سمجھنے کیلئے ان کی بصیرت کو بہتر بنانا ہے۔
