وزیراعظم نے ایشین گیمز میں سیلنگ، شوٹنگ میں تمغے جیتنے والے کھلاڑیوں کو مبارکباد دی

نئی دہلی// وزیر اعظم نریندر مودی نے چین میں جاری 19ویں ایشیائی کھیلوں میں سیلنگ اور شوٹنگ مقابلوں میں تمغے جیتنے والی ٹیم اور اس کے کھلاڑیوں کو پیر کو مبارکباد دی ہے۔
وزیر اعظم نے آج ایشین گیمز 2022 میں کانسہ کا تمغہ جیتنے پر ہندوستان کی مردوں کی کوکس لیس فور روئنگ ٹیم کے آشیش، بھیم سنگھ، جسوندر سنگھ اور پونیت کمار کو مبارکباد دی۔
انہوں نے کہا کہ اس ٹیم نے بے مثال عزم اور باہمی ہم آہنگی کے بل پر یہ شاندار کامیابی حاصل کی ہے۔
اس کے ساتھ ہی مسٹر مودی نے ایشیائی کھیلوں میں 10 میٹر ایئر رائفل خواتین ٹیم ایونٹ میں چاندی کا تمغہ جیتنے والی نشانے بازوں رمیتا، میہولی گھوش اور آشی چوکسے کو مبارکباد دی۔
اس کامیابی کی تعریف کرتے ہوئے وزیر اعظم نے کہا، ”یہ چاندی کا تمغہ آپ کی محنت اور لگن کا نتیجہ ہے۔ اس سلسلے کو آگے بنائے رکھیں، جس سے ہم ایشین گیمز 2022 میں چمکتے رہیں۔“