سمارٹ میٹرز کی تنصیب کیخلاف صفا کدل میں احتجاج

سرینگر//
سرینگر کے گنجان آبادی والے علاقے گندر پورہ صفا کدل میں سمارٹ میٹرز نصب کرنے کے خلاف خواتین نے سڑکوں پر آکر احتجاج کیا۔
اطلاعات کے مطابق پیر کے روز پائین شہر کے گندر پورہ صفا کدل علاقے میں سمارٹ میٹرز کو نصب کرنے کے خلاف خواتین نے پر امن احتجاج کیا۔
مظاہرین نے نامہ نگاروں سے بات چیت کے دوران بتایاکہ علاقے میں اکثر کنبے غریبی کی سطح سے نیچے زندگی گزر بسر کر رہے ہیں اور وہ چار ہزا ربجلی فیس ادا کرنے کی پوزیشن میں نہیں۔
ایک مقامی خاتون نے بتایا کہ ماہانہ بجلی فیس میں اضافہ کرنے میں انہیں کوئی حرج نہیں لیکن میٹرز کو نصب نہ کیا جائے کیونکہ وہ اس پوزیشن میں نہیں کہ میٹرز کے حساب سے ماہانہ بجلی فیس ادا کر سکے ۔
خاتون نے مزید بتایا کہ محکمہ پی ڈی ڈی کو علاقے میں سمارٹ میٹرز نصب کرنے کی کسی بھی صورت میں اجازت نہیں دی جائے گی۔