کشتواڑ میں۱۳دہشت گردوں کی جائیداد قرق

جموں//
سٹیٹ انوسٹی گیشن یونٹ (ایس آئی یو) نے ہفتے کے روز پاکستان میں مقیم کشتواڑ کے ۱۳دہشت گردوں کی غیر منقولہ جائیداد قرق کردی ۔
اطلاعات کے مطابق ایس آئی یو نے ہفتے کے روز کشتواڑ ضلع میں۱۳دہشت گردوں کی جائیداد منسلک کی۔
پولیس ذرائع نے بتایا کہ پاکستان میں مقیم مقامی ملی ٹینٹوں کی جائیداد کے بارے میں پتہ چلا جس کے بعدا نہیں اٹیچ کیا گیا۔
پولیس کی طرف سے اٹھائے گئے اس اقدام کا مقصد دہشت گردوںکے غیر قانونی نیٹ ورک کو ختم کرکے دہشت گردی کی مزید کارروائیوں کو انجام دینے کی صلاحیت کو محدود کرنا مقصود ہے ۔
ذرائع کاکہنا تھا کہ جائیداد کی قرقی دہست گردوں اور ان کے سہولیت کاروں کے لئے ایک واضح پیغام ہے کہ اس طرح کی کارروائیوں میں ملوث افراد کے خلاف بھی سخت کارروائی عمل میں لائی جائے گی۔انہوںنے مزید بتایا کہ دہشت گردوںاوران کے حامیوں کے خلاف کریک ڈاون جاری رہے گا۔