زخم زدہ حارث رؤف ہندوستان کے خلاف دوسرے روز باؤلنگ کے لیے نہيں اترے

کولمبو، // پاکستان کے تیز گیند باز حارث رؤف ہندوستان کے خلاف اتوار کے روز ایشیا کپ سپر فور مرحلے کے پہلے دن پیٹ میں معمولی چوٹ لگنے کی وجہ سے پیر کے روز ریزرو ڈے میں گیند کرنے نہیں آئے۔
حارث کا ایم آر آئی اسکین ہوا، جس کی رپورٹ نارمل تھی، لیکن وہ پیر کے روز بھی درد محسوس کر رہے تھے۔
پاکستان کرکٹ بورڈ (پی سی بی) نے ایک بیان جاری کرکے بتایا کہ یہ واضح نہیں ہے کہ حارث رؤف کی چوٹ کتنی سنگین ہے۔ اسے احتیاطا ایم آر آئی کے لیے داخل کرایا گیا، جس کے نتائج نارمل تھے۔ وہ ٹیم کے میڈیکل پینل کی نگرانی میں ہے۔
حارث رؤف کی غیر موجودگی میں، پاکستان نے شاہین شاہ آفریدی، نسیم شاہ اور فہیم اشرف کے تین تیز باؤلنگ آپشنز کے ساتھ میچ میں حصہ لیا۔ اس کے علاوہ اسپن باؤلر شاداب خان کے ساتھ آغا سلمان اور افتخار احمد پارٹ ٹائم باؤلرز کے طور پر میدان میں موجود رہے۔
پہلے دن رؤف نے مجموعی طور پر پانچ اوورز ڈالے اور صرف 27 رنز صرف کئے۔ رؤف نے روہت شرما اور شبھمن گل کی دھماکہ خیز اوپننگ پارٹنرشپ پر قابو پانے کی پوری کوشش کی۔