سرینگر//
منشیات کے خلاف جنگ کو جاری رکھتے ہوئے بارہمولہ پولیس نے بونیار علاقے میں ایک منشیات فروش کو گرفتار کرکے اس کی تحویل سے نشہ آور مواد بر آمد کیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن بونیار کی ایک پولیس پارٹی نے واری کھاہ بونیار میں ایک شخص کو روکا۔
ترجمان نے کہا کہ تلاشی کے دوران کی تحویل سے۳۱گرام چرس جیسا مواد بر آمد کیا گیا جس کے بعد اس کو گرفتار کرکے پولیس تھانے منتقل کیا گیا۔
گرفتار شدہ کی شناخت تنویر احمد شیخ ولد بشیر احمد شیخ ساکن گردنوا نوشہرہ کے بطور ہوئی ہے ۔
پولیس نے اس ضمن میں پولیس اسٹیشن بونیار میں ایک کیس درج کرکے مزید تحقیقات شروع کی ہیں۔
قابل ذکر ہے بارہمولہ پولیس نے سال رواں کے پہلے۸مہینوں کے دوران۲۱۳مقدمے درج کرکے ۳۴۳منشیات فروشوں کو گرفتار کیا ہے اور منشیات کے کاروبار سے حاصل کی گئی کروڑوں رویے مالیت کی جائیدادیں ضبط کی ہیں۔