ریاسی تصادم میںعدم شناخت دہشت گرد ہلاک

جموں//
جموں کشمیر کے ریاسی ضلع کے چسانہ گاؤں میں سیکورٹی فورسز اور ملی ٹینٹوں کے مابین جاری تصادم میں ایک عدم شناخت دہشت گرد مارا گیا جبکہ ابتدائی فائرنگ میں دو اہلکار زخمی ہوا جس کو علاج ومعالجہ کی خاطر نزدیکی ہسپتال منتقل کیا گیا۔
ایڈیشنل ڈائریکٹر جنرل آف پولیس جموں رینج مکیش سنگھ نے بتایا کہ ریاسی کے چسانہ گاؤں میں سیکورٹی فورسز اور دہشت گردوں کے مابین تصادم جاری ہے ۔
سنگھ نے کہاکہ سیکورٹی فورسز کی جوابی کارروائی میں ایک عدم شناخت دہشت گرد مارا گیا جس کی شناخت اور تنظیمی وابستگی کے بارے میں جانچ پڑتال شروع کی گئی ہے ۔
اے ڈی جی پی کا مزید کہنا تھا کہ دہشت گردوں کی ابتدائی فائرنگ میں دو اہلکار زخمی ہوئے جنہیں علاج ومعالجہ کی خاطر نزدیکی ہسپتال منتقل کیا جہاں پر دونوں کی حالت مستحکم بتائی جارہی ہے ۔
آخری اطلاعات موصول ہونے تک علاقے میں آپریشن جاری تھا۔اس سلسلے میں مزید تفصیلات کا انتظار ہے ۔
پولیس ذرائع نے بتایا کہ گاؤں میں دو دہشت گرد چھپے ہوئے ہیں۔