کیجریوال حکومت 115 کروڑ روپے سے دہلی کے دیہاتوں کو نئے سرے سے ڈولپ کرے گی: گوپال رائے

نئی دہلی//) دہلی کے ترقیاتی وزیر گوپال رائے کی صدارت میں دہلی کے دیہاتوں کے ترقیاتی کاموں کو تیز کرنے کے لیے پیر کو دہلی سکریٹریٹ میں ولیج ڈیولپمنٹ بورڈ کی میٹنگ ہوئی۔ اس دوران دہلی دیہی ترقی بورڈ نے دہلی کے دیہاتوں میں ترقی کو یقینی بنانے کے لیے 167 نئی اسکیموں کو منظوری دی ۔ اس کے تحت سڑکوں، نالوں، واٹر باڈیز، کمیونٹی سینٹرز، پارکس، شمشان گھاٹ، کھیلوں کے میدان وغیرہ سے متعلق ترقیاتی کام کئے جائیں گے ۔ دہلی کے دیہی علاقوں میں 115.52 کروڑ روپے کی لاگت سے ترقیاتی کام کئے جائیں گے ۔
بورڈ میٹنگ کے دوران تمام متعلقہ افسران کو مقررہ مدت میں گاؤں کے ترقیاتی منصوبوں کو مکمل کرنے کی ہدایات دی گئیں۔ دہلی دیہی ترقی بورڈ کی میٹنگ میں ممبران نے زیر التواء اور نئی تجاویز کا مسئلہ اٹھایا ہے ۔ اس کے بعد ترقیاتی وزیر گوپال رائے نے بتایا کہ وزیر اعلیٰ اروند کیجریوال نے دہلی کے گاؤں میں ترقی کو یقینی بنانے کے لیے دہلی ولیج ڈیولپمنٹ بورڈ کی تشکیل کی ہے ۔ اس میٹنگ میں دہلی کے گاؤں کی ترقی کے لیے 115.52 کروڑ روپے کے 167 نئے پروجیکٹوں کو منظوری دی گئی ہے ۔
اس منصوبے کے تحت دہلی کے تمام گاؤں میں بہتر سہولیات فراہم کرنے کا کام کیا جائے گا۔ اس کے ساتھ ہی تمام محکموں کے افسران کو دیہی ترقی سے متعلق منصوبوں کا کام مقررہ مدت میں مکمل کرنے کی ہدایات دی گئی ہیں۔
دہلی کے ترقیاتی وزیر گوپال رائے نے کہا کہ حکومت شہری علاقوں میں رہنے والے دہلی کے لوگوں کے ساتھ ساتھ دیہی علاقوں میں رہنے والے لوگوں کو بھی بنیادی سہولیات فراہم کرنے کے لیے پابند عہد ہے ۔ محکمہ آبپاشی اور فلڈ کنٹرول محکمہ بشمول ایم سی ڈی ڈیولپمنٹ ڈیپارٹمنٹ ان ترقیاتی کاموں کو انجام دے گا۔
اس منصوبے کے تحت – دہلی کے دیہاتوں میں لنک سڑکوں اور دیہی سڑکوں کی تعمیر
– تالابوں اور آبی ذخائر کی ترقی
– دیہات میں کمیونٹی سینٹرز، پارکس، قبرستان، کھیلوں کے میدان، جمنازیم، لائبریریوں کی ترقی
– نکاسی آب کے ڈھانچے کی تعمیر
– چوپالوں، بارات گھر، کمیونٹی سینٹر وغیرہ کی تعمیر و مرمت کا کام۔ دیگر ضرورت پر مبنی کام جیسے پینے کے پانی کی سہولت، اسٹریٹ لائٹس وغیرہ شامل ہیں۔