سرینگر//
قومی تحقیقاتی ایجنسی (این آئی اے ) نے جمعہ کی صبح جموں و کشمیر میں کئی مقامات پر چھاپے مارے ۔ یہ چھاپے ملی ٹنسی سے متعلق کیس کی تحقیقات کے سلسلے میں مارے جا رہے ہیں۔
ذرائع نے بتایا کہ این آئی اے کی ٹیموں نے پولیس اور سی آر پی ایف اہلکاروں کی مدد سے جمعہ کی صبح ضلع کولگام کے پری ون، ضلع کپوارہ کے کرال پورہ اور ضلع شوپیاں کے چھوٹی گام علاقوں میں چھاپے مارے ۔
ذرائع نے بتایا کہ یہ چھاپے ملی ٹنسی سے متعلق ایک کیس کی تحقیقات کے سلسلے میں مارے گئے ۔
دریں اثنا معتبر ذرائع کے مطابق این آئی آے نے جموں کے بٹھنڈی علاقے میں بھی چھاپے مار کر کچھ دستاویزات ضبط کئے ۔
ذرائع نے کہا کہ این آئی اے کی ایک ٹیم نے بٹھنڈی کی پیر کالونی میں رہائش پذیر ایک ڈاکٹر کے گھر پر چھاپہ مارا۔انہوں نے ڈاکٹر کی شناخت پرویز احمد ناز ولد محمد شریف ناز کے بطور کی جو در اصل گنڈوہ ڈوڈہ کا رہنے والا ہے ۔
ذرائع کا کہنا ہے’’یہ شک کیا جا رہا ہے کہ موصوف ڈاکٹر اپنے موبائل پر کچھ ایسی ایپس چلا رہا ہے جن پر پابندی عائد ہے ‘‘۔
این آئی اے نے اس کے گھر سے کچھ اہم دستاویزات ضبط کئے ہیں۔
اس دوران این آئی اے نے جموں کے بھٹنڈی علاقے میں بھی چھاپے مار کارروائی انجام دی۔ نیشنل انویسٹی گیشن ایجنسی نے یہ کارروائی جموں میں دہشت گردوںکو مالی مدد فراہم کرنے کے خلاف درج ایف آئی آر کے سلسلے میں کی گئی۔
یہ کارروائی این آئی اے جموں پولیس اسٹیشن میں درج پاکستان میں دہشت گردوں کی سازش کے ایک کیس کے سلسلے میں مزید تحقیقات کے غرض سے کی جارہی ہے۔