کیمپ کے اندر سی آر پی ایف جوان کو مردہ پایا گیا:پولیس

سرینگر//
جنوبی کشمیر کے ضلع پلوامہ کے اونتی پورہ علاقے میں ایک سی آر پی ایف اہلکار کی ہفتے کی صبح کیمپ کے اندر لاش پائی گئی جس کے بارے میں شبہ ظاہر کیا جا رہا ہے کہ مذکورہ اہلکار نے اپنی ہی بندوق سے اپنی زندگی کا خاتمہ کر دیا ہے ۔
اونتی پورہ پولیس نے اپنے ٹویٹر ہینڈل پر ٹویٹ کرکے کہا’’جمعہ اور ہفتے کی درمیانی شب ایک بجکر۵۵منٹ پر چرسو کے نزدیک گولیوں کی آواز سنی گئی‘‘۔
ٹویٹ میں کہا گیا’’جانچ کے بعد سی آر پی ایف کی ایف۱۱۲ویںبٹالین سے وابستہ ایک جوان اجے کمار کو خون میں لت پت مردہ پایا گیا، طبی و قانونی تفتیش کے بعد تحقیقات شروع کی گئی‘‘۔
ٹویٹ میں کہا گیا’’بظاہر موت کی وجہ خود کشی ہے ‘‘۔انہوں نے ایک اور ٹویٹ میں متوفی کی شناخت اجے کمار ولد راجندر رائے ساکن جارکھنڈ کے بطور ہوئی ہے ۔