کشتواڑ میں ملی ٹینٹ معاون گرفتار

جموں//
جموںکشمیر پولیس نے کشتواڑ میں ملی ٹینٹ معاون کی گرفتاری عمل میں لا کر اس سے پبلک سیفٹی ایکٹ کے تحت جیل منتقل کیا۔
پولیس ذرائع نے بتایا کہ کشتواڑ پولیس نے ملک مخالف سرگرمیوں کی پادائش میں جنگجو معاون کارعبدالکریم بٹ کو دھر دبوچ کر سلاخوں کے پیچھے دھکیل دیا ہے ۔
ذرائع نے بتایا کہ عبدالکریم بٹ کے خلاف پبلک سیفٹی ایکٹ کے تحت کیس درج کیا گیا ۔انہوں نے مزید کہاکہ عبدالکریم بٹ حزب کمانڈر جہانگیر سروری کا بھائی ہے ۔
ان کا مزید کہنا تھا کہ عبدالکریم بٹ کے خلاف این آئی اے کورٹ میں ایک مقدمہ چل رہا ہے اور یہ کہ وہ ملک مخالف سرگرمیوں میں مسلسل ملوث رہا ہے ۔
ان کے مطابق ضلع میں نوجوانوں کو بنیاد پرستی کی طرف مائل کرنے میں بھی وہ پیش پیش رہا ہے اور اس کے خلاف پی ایس اے کے تحت مقدمہ درج کرنا ناگزیر بن گیا تھا۔
پولیس ذرائع نے بتایا کہ جنگجو معاون کار کوڈسٹرکٹ جیل کشتواڑ بھیج دیا گیا ہے ۔
پولیس کا کہنا ہے کہ ملک دشمن سرگرمیوں میں ملو ث افراد کو کسی بھی صورت میں بخشا نہیں جائے گا اورا ن کے خلاف سخت کارروائی عمل میں لائی جائے گی۔