ٹٹو گراؤنڈ کی۱۳۹؍ایکڑ اراضی کو سیاحتی مقامصد کیلئے استعمال کیا جائیگا

سرینگر//
وزارت دفاع نے وزارت داخلہ کے ساتھ جموں و کشمیر کی حکومت کے ذریعے ٹیٹو گراؤنڈ میں واقع۰۴ء۱۳۹؍ ایکڑ دفاعی اراضی کو وزارت داخلہ کو سیاحت اور دیگر شعبوں کے فروغ کیلئے منتقل کرنے کیلئے ایک مفاہمت نامے پر دستخط کیے ہیں۔
لیفٹیننٹ گورنر منوج سنہا نے راج بھون میں مفاہمت نامے پر دستخط کی تقریب کی صدارت کی۔
وزارت دفاع کی نمائندگی مقامی ملٹری اتھارٹی آف ٹیٹو گراؤنڈ گیریڑن اور ڈیفنس اسٹیٹ آفیسر کشمیر سرکل سری نگر کے ذریعے کی گئی۔ وزارت دفاع یہ اراضی ۱۲۰دن کے اندر حوالے کر یگی۔
لیفٹیننٹ گورنر نے اس مفاہمت نامے کو جموں و کشمیر میں سیاحت کی ایک بڑی جگہ کو ترقی دینے کا ایک اہم موقع قرار دیا۔
فوج کے تعاون کے لیے اس کی تعریف کرتے ہوئے لیفٹیننٹ گورنر نے کہا کہ انتظامیہ اور سیکورٹی فورسز لوگوں کی فلاح و بہبود کے لیے وقف ہیں۔انہوں نے کہا کہ ہم ایم او یو کی تمام شرائط کو پورا کرنے اور سیاحت اور دیگر متعلقہ سرگرمیوں کو اس طرح ترقی دینے کے لیے دیانتدارانہ کوششیں کریں گے کہ وادی کشمیر کا دورہ کرنے والے سیاحوں کو ٹیٹو گراؤنڈ سب سے زیادہ پرکشش مقامات میں سے ایک کے طور پر معلوم ہو۔
لیفٹیننٹ گورنر نے اعلیٰ فوجی افسران کے ساتھ شہداء کو خراج عقیدت پیش کرنے کے لیے ’میرا مٹی میرا دیش‘ مہم اور یوم آزادی کی تقریبات کی تیاریوں پر بھی تبادلہ خیال کیا۔
جی او سی ۱۵ویںکورلیفٹیننٹ جنرل راجیو گھئی‘ ، لیفٹیننٹ گورنر کے پرنسپل سکریٹری‘ڈاکٹر مندیپ کمار بھنڈاری‘ اے ڈی جی پی کشمیر وجے کمار،‘ڈویڑنل کمشنر کشمیر؛ وجے بیدھوری کے علاوہ فوج اور انتظامیہ کے سینئر افسران موجود تھے۔