وادی میں کورونا وائرس کا کوئی نیا کیس درج نہیں ‘ جموں میں ۹ ریکارڈ

جموں//
جمو ں کشمیر میں پچھلے چوبیس گھنٹوں کے دوران کورونا وائرس کے۹نئے مثبت معاملات سامنے آئے ہیںجن کا تعلق جموں صوبے سے ہے۔
وادی سے آج کورونا وائرس کا کوئی نیا کیس سامنے نہیں آیا ہے ۔
ایک سرکاری بیان میں کہا گیا ہے کہ مثبت معاملات کی کل تعداد۴لاکھ۵۳ہزار۹۷۵تک پہنچ گئی ہے‘جن میں سے۵۵(صوبہ جموں میں۲۳؍اور کشمیر صوبے میں۳۲)سر گرم معاملات ہیں۔اَب تک۴لاکھ۴۹ہزار۱۶۹؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران آج ضلع وار کووِڈمثبت معاملات کی رِپورٹ فراہم کرتے ہوئے صوبہ کشمیر کے کسی بھی اَضلاع سے مثبت معاملات کی کوئی رِپورٹ نہیں ہے۔
البتہ ضلع جموںمیں ۸؍ او رضلع راجوری میں ایک نیا معاملہ سامنے آیا ہے ۔اودھمپور ، کٹھوعہ ،ڈوڈہ ، سانبہ ،کشتواڑ ، پونچھ ، رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان کے مطابق گزشتہ ۲۴ گھنٹوں کے دوران کورونا وائرس سے کوئی تازہ موت درج نہیں ہو ئی ۔اب تک جموںکشمیر میں کوروناوائرس سے مرنے والوں کی مجموعی تعداد۴۷۵۱تک پہنچ گئی ،جن میں سے ۲۴۲۳کا تعلق کشمیر صوبہ سے اور۲۳۲۸کاتعلق جموں صوبہ سے ہے۔
اِسی دوران آج مزید۹؍اَفراد شفایاب ہوئے ہیںجن میں ایک جموں صوبہ سے اور۸ کا تعلق صوبہ کشمیر سے ہے۔