وادی میں اگلے۵دن گرم اور مرطوب رہنے کا امکان:محکمہ موسمیات

سرینگر//
وادی کشمیر میں امسال موسم گرما کے ابتدائی ایام قدرے سرد رہنے کے بعد گرمی نے اپنے زور آزمانے شروع کر دئے ہیں۔
محکمہ موسمیات کے ایک ترجمان کے مطابق وادی میں اگلے۵دنوں کے دوران موسم گرم اور مرطوب رہنے کا امکان ہے ۔انہوں نے کہا کہ وادی میں۲۳جون تک موسم مجموعی طور پر خشک رہ سکتا ہے تاہم بعد دوپہر یا رات کے وقت کہیں کہیں ہلکی بارشوں کو خارج از امکان قرار نہیں دیا جا سکتا ہے ۔
ترجمان کا کہنا تھا کہ وادی میں اگلے۵دنوں کے دوران موسم خشک اور مرطوب رہنے کا امکان ہے ۔انہوں نے کہا کہ وادی میں۲۴؍اور۲۵جون کو ہلکی سے درمیانی درجے کی بارشیں متوقع ہیں جس کے۶۰فیصد امکانات ہیں۔
ادھر وادی میں شبانہ درجہ حرارت بھی معمول سے زیادہ درج ہو رہا ہے ۔
دارلحکومت سری نگر میں کم سے کم درجہ حرارت۹ء۱۶ڈگری سینٹی گریڈ ریکارڈ کیا گیا جو معمول سے۱ء۲ڈگری سینٹی گریڈ زیادہ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۵ے۱۰ڈگری سینٹی گریڈ ریکارڈ کیا گیا جو معمول سے۲ء۱ڈگری سینٹی گریڈ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت۶ء۹ڈگری سینٹٰی گریڈ ریکارڈ کیا گیا جو معمول سے۱ء۱ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۲ء۱۳ڈگری سینٹی گریڈ ریکارڈ کیا گیا جو معمول کے مطابق ریکارڈ ہوا تھا۔
قصبہ قاضی گنڈ میں کم سے کم درجہ حرارت۲ء۱۵ڈگری سینٹی گریڈ ریکارڈ کیا گیا جو معمول سے۹ء۱ڈگری سینٹی گریڈ زیادہ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت۸ء۸ڈگری سینٹی گریڈ جبکہ ضلع کرگل میں کم سے کم درجہ حرارت۲ء۱۱ڈگری سینٹی گریڈ ریکارڈ کیا گیا۔