سری نگر، 19 جون
لیفٹیننٹ گورنر ‘منوج سنہا نے شری امرناتھ جی یاترا کے لیے محکموں اور متعلقہ ایجنسیوں کی تیاریوں کا جائزہ لینے کے لیے آج ایک اعلیٰ سطحی میٹنگ کی صدارت کی۔
میٹنگ میں جل شکتی محکمہ کے پرنسپل سکریٹری ایس شالین کابرا ‘ ڈاکٹر مندیپ کمار بھنڈاری، سی ای او، شری امرناتھ جی شرائن بورڈ؛ لیفٹیننٹ جنرل راجیو گھئی، جی او سی 15ویں کور‘ وجے کمار بدھوری، ڈویڑنل کمشنر کشمیر، ایس اے ایس بی، بی آر او کے سینئر افسران اور ٹیلی کمیونیکیشن سروس فراہم کرنے والوں کے نمائندوں نے شرکت کی۔
لیفٹیننٹ گورنر نے بی آر او کے ذریعے یاترا ٹریکس کی اپ گریڈیشن کے کام کا جائزہ لیا۔ تمام کمزور حصوں پر حفاظتی ریلنگ کی تنصیب؛ برف کی صفائی؛ آرمی ٹینٹ کی تنصیب اور ٹیلی کمیونیکیشن کنیکٹیویٹی کو مضبوط کرنا پر زور دیا۔
لیفٹیننٹ گورنر نے ٹیلی کام سروس فراہم کرنے والوں کو ہدایت دی کہ نیٹ ورک کنیکٹیویٹی کو بڑھایا جائے اور یاترا کے راستے میں بینڈوتھ کو بڑھایا جائے۔
سنہانے محکمہ آبپاشی اور فلڈ کنٹرول کے ذریعہ کئے گئے کاموں کا بھی جائزہ لیا۔
لیفٹیننٹ گورنر نے یاترا کے آغاز سے قبل تمام متعلقہ کاموں کی تکمیل کو یقینی بنانے کے لیے اعلیٰ وسائل کو متحرک کرنے اور افرادی قوت بڑھانے کی ہدایت کی۔
ڈاکٹر راگھو لینگر، سیکرٹری پلاننگ، ڈویلپمنٹ اینڈ مانیٹرنگ ڈیپارٹمنٹ۔ شیخ سید فخر الدین حامد، ڈپٹی کمشنر، اننت ناگ؛ ایس ایچ شیامبیر، ڈپٹی کمشنر گاندربل اور دیگر متعلقہ محکموں کے اعلیٰ افسران نے بھی میٹنگ میں شرکت کی۔
