ممبئی// لکھنؤ سپر جائنٹس کے کپتان کے ایل راہل نے سابق کپتان وراٹ کوہلی کو پیچھے چھوڑتے ہوئے ٹی ٹوئنٹی میں سب سے تیز 6000 رنز بنانے والے ہندوستانی بلے باز بن گئے راہل اس سال کے آئی پی ایل میں نئی ٹیم لکھنؤ سپر جائنٹس کی کپتانی کر رہے ہیں۔ لکھنؤ کی ٹیم منگل کو رائل چیلنجرز بنگلور کی ٹیم سے ہار گئی تھی لیکن راہل نے اس میچ میں اپنی 30 رنز کی اننگز کے دوران ایک بڑا ریکارڈ بنایا تھا اس کے ساتھ ہی راہل ٹی۔ٹوئنٹی میں تیز ترین 6000 رنز بنانے والے ہندوستانی بلے باز بن گئے۔ راہل سے پہلے یہ ریکارڈ وراٹ کوہلی کے نام تھا۔ راہل نے یہ کارنامہ 166 ویں اننگز میں انجام دیا جبکہ وراٹ کوہلی نے 184 اننگز میں 6000 رنز مکمل کیے۔ شیکھر دھون نے 214 اننگز، سریش رائنا نے 217 اننگز اور روہت شرما نے 228 اننگز میں 6000 رنز مکمل کیے۔
راہل نے اب تک کل 179 ٹی 20 میچ کھیلے ہیں جس میں انہوں نے 43.52 کی اوسط سے 6007 رنز بنائے ہیں۔ ٹی ٹوئنٹی کرکٹ میں ان کے نام 50 نصف سنچریاں اور 5 سنچریاں بھی ہیں۔ آئی پی ایل میں انہوں نے 101 میچوں میں 47.17 کی اوسط سے 3538 رنز بنائے ہیں۔ موجودہ سیزن میں انہوں نے 7 میچوں میں 44.17 کی اوسط سے 265 رنز بنائے ہیں اور ایک سنچری بھی اسکور کی ہے۔
