دہلی کی سست پچیں ‘چیلنجنگ’ رہیں: وارنر

دھرم شالہ//
دہلی کیپٹلس کے کپتان ڈیوڈ وارنر کا ماننا ہے کہ ان کے ہوم گراؤنڈ ارون جیٹلی اسٹیڈیم کی سست پچیں ان کے لیے چیلنج رہیں، جس کے باعث ان کے بلے باز پورے سیزن میں اپنی لےحاصل نہیں کر پائے دہلی نے بدھ کو کھیلے گئے آتش بازی سے بھرے میچ میں پنجاب کنگز کو 15 رنز سے شکست دی۔ دہلی نے تیز بلے بازی کے دم پر پنجاب کے سامنے 214 رنوں کا بڑا ہدف رکھا، جس کے جواب میں پنجاب صرف 198 رنز تک ہی پہنچ سکی۔
وارنر نے میچ کے بعد کہا، "میرا خیال ہے کہ اچھی پچوں پر کھیلنا مددگار ہوتا ہے۔ گھر (دہلی) میں ہمیں سست پچیں ملتی ہیں جو قدرے چیلنجنگ ہوتی ہیں۔ کھلاڑیوں کو یہاں لے ملنا اچھا ہے۔ آپ کو اپنے ہوم گراؤنڈ پر بھی باقاعدگی کی ضرورت ہوتی ہے جو اس سیزن میں ہمارے لیے مشکل رہا ہے۔ ہم سمجھ نہیں پائے کہ وہاں صحیح اسکور کیاہوگا۔”
ارون جیٹلی اسٹیڈیم میں دہلی کی بلے بازی کئی بار ناکام رہی ہے اور ایک دو مواقع کے علاوہ اس کی کارکردگی مایوس کن رہی ہے۔ دھرم شالہ پر دہلی کو اس سیزن میں پہلی بار 200 کے اوپر پہنچانے والے ریلی روسونے بھی وارنر سے اتفاق کیا۔
پنجاب کے خلاف اپنی پہلی آئی پی ایل نصف سنچری بنانے والے روسو نے کہا، ’’اس کی (نصف سنچری) بہت ضرورت تھی۔ یہ پچ بلے بازی کے لئے بہت اچھی پچ تھی۔ اس سیزن میں اس طرح کی زیادہ پچز نہیں ملی ہیں۔ بیٹنگ کے لیے پچ ملنا اچھا تھا۔
دہلی اس سیزن کے اپنے پہلے پانچ میچ ہارنے کے بعد پلے آف کی دوڑ سے باہر ہونے والی پہلی ٹیم تھی۔ انہوں نے اپنے اگلے پانچ میچوں میں سے چار جیتے، لیکن اگلے دومقابلے ہارنے کے بعد ٹاپ چار میں پہنچنے کی اس کی تمام امیدیں ختم ہوگئیں۔
وارنر کی ٹیم کا آخری لیگ میچ 20 مئی کو دہلی میں چنئی سپر کنگز کے خلاف ہے۔
ادھر نئی کے ایک وکیل نے بدھ کو انڈین پریمیئر لیگ کی ٹیم چنئی سپر کنگز، بورڈ آف کنٹرول فار کرکٹ ان انڈیا (بی سی سی آئی) اور تمل ناڈو کرکٹ ایسوسی ایشن (ٹی این سی اے) کے خلاف آئی پی ایل کے ٹکٹوں کی فروخت میں بے ضابطگیوں کا معاملہ درج کرایا ہے۔
سپر کنگز کے گھریلو میچوں کے ٹکٹوں کی بلیک مارکیٹنگ سے متعلق تنازعہ کے بعد یہ معاملہ چنئی سٹی کی سول کورٹ کے سامنے رکھا گیا۔
ایڈوکیٹ اشوک چکرورتی نے فیس بک پر لکھا، "آج میں نے چنئی کے ایم اے چدمبرم اسٹیڈیم میں جاری آئی پی ایل ٹورنامنٹ کے ٹکٹوں کی فروخت میں بے ضابطگیوں کی وجہ سے بڑھنے والی بلیک مارکیٹنگ اور مشتبہ آن لائن ٹکٹوں کی فروخت کے لیے چنئی سپر کنگز، بی سی سی آئی اور ٹی این سی اے کے خلاف معاملہ درج کرایا ہے.
خیال ر ہے کہ سپر کنگز اور اس کی انتظامیہ کو چنئی کے ایم اے چدمبرم اسٹیڈیم میں ہونے والے میچوں کے ٹکٹوں کی عدم دستیابی کی وجہ سے تنقید کا سامنا کرنا پڑ رہا ہے۔ تقریباً 1,500 سے 2,000 روپے کی قیمت والے لوئر اسٹینڈ ٹکٹ مبینہ طور پر 8,000 روپے میں فروخت ہوئے ہیں۔ یہ غالباً سپر کنگز کے کپتان مہندر سنگھ دھونی کا آخری آئی پی ایل سیزن ہے اس لیے ٹکٹوں کی قیمتوں میں اس قدر اضافہ ہوا ہے۔
اس معاملے کے دوران ایم اے چدمبرم اسٹیڈیم میں ہونے والے آئی پی ایل پلے آف میچوں کے ٹکٹوں کی فروخت پر عارضی پابندی پر بھی بات کی جائے گی۔چکرورتی نے کہا کہ ہم نے اگلے ہفتے چنئی میں ہونے والے پلے آف اور کوالیفائر کے ٹکٹوں کی فروخت پر عبوری روک لگانے کے لیے عدالت میں درخواست بھی دائر کی ہے۔
چنئی کا یہ گراؤنڈ پلے آف مرحلے کے پہلے کوالیفائر اور ایلیمینیٹر کی میزبانی کرے گا۔ ان میچوں کے ٹکٹ جمعرات سے آئی پی ایل کی سرکاری ویب سائٹ پر خصوصی طور پر دستیاب ہوں گے۔