ہماچل میں بارش کے حوالے سے الرٹ جاری

شملہ// ہماچل پردیش میں اگلے 24 گھنٹوں میں موسم کا انداز ایک بار پھر تبدیل ہونے کا امکان ہے اور 21 اپریل تک موسم خراب رہنے کا امکان ہے، جس کے لیے سات اضلاع میں الرٹ جاری کر دیا گیا ہے۔
چمبا، ڈلہوزی، پالم پور، سندر نگر، کنور ضلع سمیت کچھ مقامات پر ہلکی بارش سے جھلستے پہاڑوں کو راحت ملی ہے۔ میدانی علاقوں میں چلچلاتی گرمی سے بچنے کے لیے سیاحوں کا جوق در جوق سیاحتی مقامات کفری، شملہ، منالی، دھرم شالہ، کلو اور ڈلہوزی کا رخ کرنا جاری ہے۔
انہوں نے کہا کہ اس دوران کئی مقامات پر بارش اور چوٹیوں پر برف باری ہو سکتی ہے۔ فی الحال، ریاست کے زیادہ اونچائی والے علاقوں میں موسم خوشگوار ہے، خاص طور پر درمیانی اونچائی والے علاقوں میں۔ یہاں صبح شام سردی پڑ رہی ہے۔ دن بھر کی گرمی سے بھی کافی راحت ملی ہے۔
انہوں نے کہا کہ میدانی علاقوں، نشیبی پہاڑیوں اور وسطی پہاڑیوں کے ایک یا دو حصوں میں گرمی کی لہر کی توقع ہے۔