ملک میں کورونا سے مزید 214 مریضوں کی موت

نئی دہلی// ملک بھر میں کورونا انفیکشن کے بڑھتے ہوئے معاملات کے درمیان، مرنے والوں کی تعدادمیں 214 کا اضافہ ہوا ہے، جس کے ساتھ ہی ملک میں مرنے والوں کی کل تعداد 521965 ہو گئی ہے۔ اس وقت ملک میں کورونا سے اموات کی شرح 1.21 فیصد ہے۔
صحت اور خاندانی بہبود کی مرکزی وزارت نے پیر کو یہاں بتایا کہ آج صبح 7 بجے تک 186 کروڑ 54 لاکھ 94 ہزار 355 کووڈ ویکسین دی گئی ہیں۔ وزارت نے کہا کہ گزشتہ 24 گھنٹوں میں کووڈ انفیکشن کے 2183 نئے مریض سامنے آئے ہیں۔ اس کے ساتھ ہی ملک کے مختلف اسپتالوں میں زیر علاج کورونا مریضوں کی تعداد کم ہو کر 11 ہزار 542 ہو گئی ہے۔ یہ متاثرہ کیسز کا 0.03 فیصد ہے۔ وہیں روزانہ انفیکشن کی شرح 0.32 فیصد ہے۔
وزارت نے کہا کہ اسی مدت میں 1985 افراد کووڈ سے صحت یاب ہوئے ہیں ۔ اب تک مجموعی طور پر چار کروڑ 25 لاکھ 10 ہزار 773 لوگ کووڈ سے صحت یاب ہو چکے ہیں۔ بحالی کی شرح 98.76 فیصد ہے۔
گزشتہ 24 گھنٹوں میں ملک میں دو لاکھ 61 ہزار 440 کووڈ ٹیسٹ کیے گئے ہیں۔ ملک میں اب تک کل 83 کروڑ 21 لاکھ چار ہزار 846 کووڈ ٹیسٹ کیے جا چکے ہیں۔