کولمبو///
سری لنکا کے کرکٹر دانشکا گوناتھیلاکا کے کیس کی سماعت تاخیر کا شکار ہوگئی۔
غیرملکی میڈیا کے مطابق دانشکا گوناتھیلاکا پر 4 مختلف نوعیت کے جنسی زیادتی کے الزامات کا کیس ہے۔
رپورٹس کے مطابق یہ کیس گزشتہ برس آسٹریلیا میں ٹی ٹوئنٹی ورلڈ کپ کے دوران سامنے آیا تھا۔
سری لنکن کرکٹر کو زیادتی کے کیس میں گرفتار کر لیا گیا تھا تاہم ان دنوں وہ سڈنی میں ضمانت پر ہیں۔
غیرملکی میڈیا کے مطابق سماعت میں 2 ہفتے کی مزید تاخیر پر سری لنکن کرکٹر نیو ساؤتھ ویلز کے پبلک پراسیکیوٹر سے لیگل اخراجات کا مطالبہ کریں گے۔
رپورٹس کے مطابق دانشکا گوناتھیلاکا کے وکیل نے مزید تاخیر کی مخالفت کرتے ہوئے کہا ہے کہ غیرملکی ہونے کے ناطے کرکٹر کو سخت مشکلات کا سامنا ہے۔
غیرملکی میڈیا کے مطابق کیس کی اگلی سماعت پر لیگل اخراجات کی ادائیگی کے لیے درخواست جمع کرائی جائے گی۔
رپورٹس کے مطابق کیس کی سماعت آج 18مئی تک ملتوی کی گئی ہے تب تک دانشکا گوناتھیلاکا ضمانت پر ہیں۔
