بی ایس ایف نے امرتسر سرحد کے قریب ڈرون کو مار گرایا

جالندھر//
پاکستان کی جانب سے منشیات کی دہشت گردی کی ایک اورکوشش کو ناکام بناتے ہوئے پنجاب کی بین الاقوامی سرحد پر تعینات بارڈر سیکورٹی فورس (بی ایس ایف) کے اہلکاروں نے جمعرات کو پاکستان کے امرتسر کے گاؤں دھنو کلاں کے قریب علاقے میں ایک مشکوک ڈرون کو مار گرایا جو ہندوستانی حدود میں داخل ہوا تھا۔
بی ایس ایف کے تعلقات عامہ کے افسر نے بتایا کہ سیکورٹی فورس کے اہلکاروں نے پاکستان سے ہندوستانی حدود میں داخل ہونے والے مشتبہ ڈرون کی آواز سنی۔
فوجیوں نے فوری طور پر مقررہ مشق کے مطابق فائرنگ کرکے ڈرون کو روکنے پر ردعمل کا اظہار کیا۔ انہوں نے کہا کہ آگے کے علاقے میں تعینات فوجیوں نے ضلع امرتسر کے گاؤں دھنو کلاں کے مضافات میں ڈرون کی آواز اور کھیتوں میں سامان گرنے کی آواز بھی سنی۔
علاقے کی ابتدائی تلاشی کے دوران بی ایس ایف اہلکاروں نے ایک سیاہ رنگ کا ڈرون (کواڈ کاپٹر، ڈی جے آئی میٹرس۳۰۰آر ٹی کے ) جزوی طور پر ٹوٹی ہوئی حالت میں اور پیلے رنگ کے چپکنے والی ٹیپ سے لپٹے ہوئے ایک بڑے پیکٹ میں دو کلو ہیروئن کے۲پیکٹ اور۱۷۰گرام کے۲ چھوٹے پیکٹ برآمد کیے ۔ کھیپ کے ساتھ لوہے کی ایک انگوٹھی بھی ملی۔
۔۔۔۔۔۔۔۔۔۔۔۔۔