گاندربل///
ڈویڑنل کمشنر کشمیر‘ وجے کمار بدھوری نے آج سونمرگ علاقے کا ایک وسیع دورہ کیا جہاں انہوں نے زیڈ موڑ ٹنل پر جاری کام کے عمل کا معائنہ کیا۔
اس موقع پر صوبائی کمشنرکو زیڈ موڑ ٹنل کے مختلف کاموں بشمول اپروچ روڈز، لین، حفاظتی دیواروں اور نالوں کی تعمیر کے علاوہ پروجیکٹ کے دیگر منسلک کاموں پر ہونے والی پیش رفت کے بارے میں بریفنگ دی گئی۔
ٹنل کے مشرقی اور مغربی پورٹلز کے فزیکل معائنہ کے بعدبدھوری نے مزید افراد اور مشینری کو شامل کرکے تعمیراتی کام کو تیز کرنے پر زور دیا۔
مناسب بات یہ ہے کہ زیڈ موڑ سرنگ مقامی لوگوں اور سیاحوں کو سردیوں کے موسم میں سونمرگ تک رسائی فراہم کرنے میں سہولت فراہم کرے گی جو سردیوں کے دوران شدید برف باری کی وجہ سے منقطع رہتی ہے۔