سرینگر/18مارچ
جنوبی کشمیر کے ضلع پلوامہ کے اونتی پورہ میں ایک سڑک حادثے میں بہار سے تعلق رکھنے والے کم سے کم چار مسافر از جان جبکہ کئی دیگر زخمی ہوگئے ۔
سرکاری ذرائع نے بتایا کہ اونتی پورہ کے گوری پورہ علاقے میں قومی شاہراہ پر ایک گاڑی الٹ جانے سے کئی مسافر زخمی ہوگئے ۔
ذرائع نے کہا کہ زخمیوں میں سے تین کی ہسپتال لے جانے کے دوران راستے میں ہی موت واقع ہوئی جبکہ ایک مسافر سب ضلع ہسپتال پانپور میں زخموں کی تاب نہ لا کر دم توڑ گیا۔
زخمیوں میں سے بعض کی حالت نازک بتائی جاتی ہے ۔
متوفین کی شناخت نصیر الدین انصاری ولد اسلام انصاری ساکن مغربی چمپارن بہار، راج کرن داس ولد شیوا ساکن کٹھیار بہار، سلیم علی ولد محمد علا ولدین ساکن حکم نگر بہار اور قیصر عالم ساکن کٹھیار بہار کے بطور ہوئی ہے ۔
دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔