سرینگر//
سرینگر کے ڈلگیٹ علاقے میں قائم امراض چھاتی کے اہسپتال کو آئندہ دو ہفتوں کے دوران جی بی پنتھ ہسپتال سونہ وار منتقل کیا جائے گا۔
امراض چھاتی اہسپتال کے میڈیکل سپر انٹنڈنٹ نے اس بات تصدیق کرتے ہوئے کہا کہ تقریباً دو ہفتوں میں سی ڈی ہسپتال کو سونہ وار منتقل کر دیا جائے گا جو پہلے بچوں کا ہسپتالوں ہوا کرتا تھا۔ انہوں نے کہا کہ سونہ وار میں ہر بستر آکسیجن سے لیس نہیں تھے،تاہم سینے کی امراض میں مبتلا مریضوں کیلئے ہر بیڈ کیلئے آکسیجن کی ضرورت ہوتی ہے،جس پر اس وقت کام جاری ہے۔
میڈیکل سپر انٹنڈنٹ نے کہا کہ ایسے میں اب اگلے دو ہفتوں میں کام مکمل ہونے کی توقع ہے اور اس کے بعد چھاتی کے ہسپتال کو منتقل کر کے سونہ وار میں منتقل کیا جائے گا۔
واضح رہے گزشتہ برس بچوں کے ہسپتال جی بی پنتھ کو سونہ وار سے بمنہ منتقل کیا گیا اور اس کے بعد پرنسپل جی ایم نے سی ڈی ہسپتال کو سونہ وار منتقل کرنے کیلئے ایک ایکشن پلان بنانے کی ہدایت جاری کی تھی۔
حکام کے مطابق ڈلگیٹ میں قائم سی ڈی ہسپتال کی عمارت کو متعدی امراض کے ہسپتال کے طور پر استعمال کیا جائے گا۔جبکہ پلمونری ،شعبہ تپ دق اور دیگر شعبہ جات بھی سونہ وار میں ہی کام کریں گا۔
حکام کے مطابق سی ڈی ہسپتال کی عمارت میں نشہ چھڑانے کا ایک مرکز قائم کرنے پر بھی غور کیا جارہا ہے جو کہ جی بی سرینگر کے زیر نگرانی کام کرے گا۔
جی بی پنتھ سونہ وار میں ڈاکٹروں کیلئے کمرے اور مناسب مشنری کے لحاظ سے اچھی سہولیات موجود ہیں۔وہیں ہسپتال کی گنجائش۱۵۰ سے ۲۵۰ بستر تک بڑھ جائے گی۔