لاہور//
نجم سیٹھی نے افغانستان کرکٹ بورڈ (اے سی بی) کو وارننگ جاری کی ہے کہ وہ دونوں ممالک کے درمیان شارجہ میں ہونے والی سیریز کے دوران اپنے کھلاڑیوں کے رویے پر نظر رکھیں۔ گزشتہ سال ایشیا کپ میں جب دونوں ٹیمیں شارجہ میں آمنے سامنے ہوئیں تو آصف علی افغان فاسٹ باؤلر فرید احمد ملک کے ساتھ گرما گرم الفاظ کے تبادلے میں ملوث نظر آئے۔
فرید نے آصف کو پہلے دھکا دیا جس سے بلے باز کو تیز رفتاری سے اپنا بیٹ اٹھانا پڑا جس کے بعد میدان میں موجود دیگر کھلاڑیوں اور امپائرز کو مداخلت کرنا پڑی۔ نجم سیٹھی نے کہا کہ "میں نے دبئی میں افغانستان کے حکام سے کراؤڈ کنٹرول اور ان کے کھلاڑیوں کے رویے کے بارے میں بات کی اور پوچھا کہ آپ کے پاس اپنے مداحوں اور کھلاڑیوں کو سنبھالنے کی کیا ضمانت ہے، کیونکہ ماضی کے تجربات اچھے نہیں رہے‘‘۔
نجم سیٹھی نے کہا کہ ’ہم نے افغانستان بورڈ سے کہا کہ وہ اپنے کھلاڑیوں کو کنٹرول کرے ،جیت اور ہار کھیل کا حصہ ہے۔ ہمارے پاس جیت اور ہار کے حوالے سے تجربہ ہے، اس لیے ہم اپنے جذبات پر قابو رکھ سکتے ہیں، لیکن وہ بین الاقوامی کرکٹ میں نئے ہیں، اس لیے انہیں اپنے کھلاڑیوں کو قابو میں رکھنے کی ضرورت ہے۔” مذکورہ میچ کے بعد افغان شائقین پاکستانی شائقین کو کرسیاں مارتے ہوئے دیکھے گئے کیونکہ ان کی ٹیم قریبی مقابلے میں ہار گئی تھی۔