میٹر والے علاقوں میں سرما میں صفر کٹوتی ہو ئی :کے پی ڈی سی ایل

سرینگر/14 مارچ
کشمیر پاور ڈسٹری بیوشن کارپوریشن لمیٹڈ (کے پی ڈی سی ایل) کے منیجنگ ڈائریکٹر چودھری محمد یاسین نے دعویٰ کیا ہے کہ موسم سرما کے دوران میٹر والے علاقوں میں کوئی کٹوتی نہیں کی گئی ۔
منگل کوایم ڈی نے یہاں نامہ نگاروں کے سوالوں کے جواب ددیتے ہوئے کہا” موسم سرما کے دوران ہم نے میٹر والے علاقوں میں بجلی کی صفر کٹوتی کے وعدے کو بھی پورا کیا“۔
یاسین کاکہنا تھاکہ ہم ضلع سری نگر میں 90 ہزار سمارٹ میٹر نصب کرنے میں کامیاب ہوئے ہیں۔انہوں نے کہا”مجھے خوشی ہے کہ کے پی ڈی سی ایل کو صرف ضلع سرینگر میں 90 ہزار سمارٹ میٹر نصب کرنے میں کامیابی حاصل ہوئی اور موسم سرما کے دوران ہم نے میٹر والے علاقوں میں بجلی کی صفر کٹوتی کے وعدے کو بھی پورا کیا“۔
پی ڈی سی ایل کے ایم ڈی نے کہا کہ ڈا¶ن ٹا¶ن علاقے جیسے حول، کے کے محلہ، رعناواری، خانیار علاقے میں ہم نے ایک ہزار صارفین کو کور کیا۔
یاسین نے کہا کہ سمارٹ میٹر نصب کرنے کے دوران کئی جگہوں پر ہمیں مخالفت کا سامنا کرنا پڑا جس کو ہم نے لوگوں کے ساتھ بات چیت کرکے حل کیا۔
پی ڈی سی ایل کے ایم ڈی نے کہا کہ لوگوں کو یہ خدشات ہیں کہ سمارت میٹر نصب کرنے سے بل زیادہ آتا ہے جس کو ہم نے واضح کرکے دکھایا کہ جن علاقوں میں سمارٹ میٹر نصب کئے گئے ہیں ان میں کسی قسم کا کوئی اضافہ نہیں ہوتا ہے ۔ان کا کہنا تھا کہ آنے والے ماہ مبارک رمضان کے دوران بجلی کی بہتر سے بہتر فراہمی کو یقینی بنایا جائے گا۔
منیجنگ ڈائریکٹر نے کہا کہ افطار اور سحری کے وقت بجلی کی فراہمی کو متاثر نہ ہونے دینے کی کوشش کی جائے گی۔انہوں نے کہا موسم سرما کے دوران بجلی کی جو ڈیمانڈ تھی اس میں موسم میں بہتری کے ساتھ ہی کمی واقع ہو رہی ہے ۔