بارشوں میں کمی: کسانوں کیلئے فصل پلان جاری کیا جائیگا:ناظم زراعت

سرینگر//
ڈائریکٹر ایگریکلچر کشمیر چودھری محمد اقبال کا کہنا ہے کہ موسم سرما کے دوران بارشوں میں کمی درج ہونے کے پیش نظر کسانوں کیلئے فصل اگانے کا پلان جاری کیا جائے گا۔
اقبال نے کہا کہ امسال آبپاشی کا شیڈول بھی جاری کیا گیا ہے ۔
ناظم زراعت نے ان باتوں کا اظہار ہفتے کو یہاں میڈیا کے ساتھ بات کرنے کے دوران کیا۔
اقبال نے کہا’’یہ ضرورہے کہ بارشیں کم ہوئی ہیں لیکن میرے کسان بھائیوں کو گھبرانے کی ضرورت نہیں ہے میں نے وائس چانسلر زرعی یونیورسٹی کشمیر سے بات کی ہے ہم آنے والے چند دنوں میں فصل اگانے کا پلان جاری کریں گے ‘‘۔
نا ظم زراعت نے کہا کہ ہم نے امسال آبپائشی شیڈول جاری کیا ہے کہ یکم اپریل سے کس نہر سے کب‘ کس کو پانی کی ضرورت ہے ۔انہوں نے کہا کہ ہم کسی بھی جگہ کسانوں کو کوئی نقصان نہیں ہونے دیں گے ۔
پلوامہ کے لاسی پورہ علاقے میں یوریا کھاد ضبط کرنے پر ان کا کہنا تھا کہ ہم نے اطلاعات کے پر کارروائی کرکے پلومہ کے لاسی پورہ علاقے میں ایک پلائی ووڈ فیکٹری میں سبسڈی والی یو ریا کھاد کے۴۲۱بیگ ضبط کئے ۔
ناظم زراعت نے کہا کہ ان کے خلاف تحت قانون کارروائی عمل میں لائی گئی۔انہوں نے کہا کہ جو چیز کسانوں کیلئے ہے اس کا غلط استعمال نہیں ہونے دیا جائے گا۔
اقبال کا کہنا تھا’’کسان بھائیوں سے بھی میری گذارش ہے کہ وہ اگر ایسی کوئی بات دیکھیں گے تو وہ اس بات کو میری نوٹس میں لائیں‘‘۔انہوں نے کہا کہ ہمارے محکمے کے دروازے کسانوں کیلئے ہمیشہ کھلیں ہیں وہ کسی بھی وقت ہمارے ساتھ رابطہ کر سکتے ہیں۔