روہت نے بین الاقوامی کرکٹ میں 17000 رن مکمل کیے

احمد آباد// ہندوستانی کرکٹ ٹیم کے کپتان روہت شرما نے یہاں آسٹریلیا کے خلاف بارڈر-گاوسکر ٹرافی کے چوتھے ٹیسٹ کے دوران ہفتہ کو بین الاقوامی کرکٹ میں 17,000 رن مکمل کر لئے۔
روہت کو میچ شروع ہونے سے پہلے اس کارنامے تک پہنچنے کے لیے 21 رن درکار تھے۔ انہوں نے یہ ریکارڈ مچل اسٹارک کی گیند پر چوکا لگا کر بنایا۔ وہ ایسا کرنے والے چھٹے ہندوستانی بلے باز ہیں۔ روہت تاہم اس آغاز کو بڑی اننگز میں تبدیل نہیں کر سکے اور 58 گیندوں پر 35 رن بنانے کے بعد آؤٹ ہو گئے۔
سال 2007 میں ڈیبیو کرنے والے روہت نے اپنے کیریئر میں 438 بین الاقوامی میچ کھیل کر 17014 رن بنائے ہیں۔ روہت نے اپنے شاندار کیریئر میں 47 سنچریاں اور 92 نصف سنچریاں اسکور کی ہیں، جب کہ ان کا سب سے زیادہ سکور 2011 میں سری لنکا کے خلاف 264 ہے۔
گل اور کپتان روہت شرما نے تیسرے دن کا تیز آغاز کیا۔ گل نے مچل اسٹارک کو ایک اوور میں تین چوکے لگائے، جب کہ روہت نے اگلے اوور میں اسٹارک کو ایک چوکا اور ایک چھکا لگا کر بین الاقوامی کرکٹ میں 17000 رن مکمل کر لیے۔
تاہم آسٹریلیا نے اپنی گیند بازی میں نظم و ضبط لاتے ہوئے جلد ہی چوکوں اور چھکوں پر لگام لگا دی۔ اسے اس کا نتیجہ اس وقت ملا جب روہت نے میتھیو کوہنیمین (43/1) کی گیند کو سیدھا ایکسٹرا کور کے ہاتھ میں دے دیا۔ روہت نے 58 گیندوں کی اپنی اننگز میں تین چوکوں اور ایک چھکے کی مدد سے 35 رن بنائے۔