جموں//
جموں کشمیر سروس سلیکشن بورڈ(ایس ایس آر بی)نے امیدواروں کو یقین دلایاہے کہ خالی اسامیوں کے بھرتی عمل کے دوران شفافیت اور میرٹ پر کوئی سمجھوتہ نہیں کیا جائے گا۔
بورڈ کے چیئرمین ‘راجیش شرما نے آج ایک پریس کانفرنس میںکہا کہ بورڈ امیدواروں کے تحفظات کے حوالے سے بخوبی آگاہ ہے اور امتحانات کو منصفانہ، شفاف اور محفوظ طریقے سے منعقد کرنے کی تمام کوششیں کی جائیں گی۔
شرمانے امیدواروں سے اپیل کی کہ وہ افواہیں پھیلانے والوں اور ان لوگوں پر دھیان نہ دیں، جو صرف عمل میں خلل ڈالنے کے لیے ایسا کر رہے ہیں۔
بورڑ کے چیئرمین نے کہا کہ جموں و کشمیر سروس سلیکش بورڈ امیدواروں کی قابلیت اور میرٹ کا احترام کرتی ہے ان تمام عناصر کے خلاف سخت کارروائی کی جائے گی جو قابل امیدواروں کے مستقبل کو نقصان پہنچانے کی کوشش کر رہے ہیں۔
شرما نے کہا کہ ایپ ٹیک نامی کمپنی نے پورے ٹنڈرنگ پورسس کے ذریعے منتخب ہوئی ہے اور یہ کمپنی ایک امیدوار سے آن لائن امتحان منعقد کرانے کیلئے۲۶۷ روپے لئے ہیں جبکہ دوسری کمپنی ۳۳۵ روپے پر کام کرنے کے لیے تیار ہوئی۔انہوں نے کہا کہ کوئی بھی کمپنی کسی مدت تک بلیک لسٹ ہوتی ہے۔
بتادیں کہ جموں کشمیر سروس سلیکشن بورڈ کے چیئرمین رجیش شرما کے یہ ریمارکس ایسے وقت میں سامنے آئے ہیں جب جموں اور سرینگر میں ایس ایس بی امیدوار سرکوں پر ایپ ٹیک نامی کمپنی کے خلاف احتجاج کر رہے ہیں۔
اس پیچ پولیس نے جموں میں کچھ احتجاجیوں کو حراست میں بھ لیا تھا۔ احتجاجی کے مطابق بلیک لسٹڈ کمپنی منصف طریقے سے امتحانات منعقد نہیں کر سکتی ہے۔