رعناواری میں بھیانک آتشزدگی، دو مکان خاکستر

سرینگر//
سرینگر کے کلوال محلہ رعناواری علاقے میں آتشزدگی کی ایک بھیانک واردات کے دوران دو رہائشی مکانوں کو نقصان پہنچا ہے ۔
سرکاری ذرائع نے بتایا کہ جمعرات کے روز کلوال محلہ رعناواری میں رہائشی مکان سے آگ نمودار ہوئی جس نے آناً فاناً اپنے متصل اور ایک مکان کو لپیٹ میں لے لیا ۔
مقامی لوگوں اور فائر اینڈ ایمرجنسی عملے کی بروقت کارروائی کے نتیجے میں گرچہ آگ پر قابو پایا گیا تاہم آتشزدگی کی اس واردات کے دوران دو مکانوں کو نقصان پہنچا او راُن میں موجود لاکھوں روپے مالیت کی گھریلو اشیاء بھی راکھ کے ڈھیر میں تبدیل ہوئی۔
فائر اینڈ ایمرجنسی کے ایک سینئر عہدیدار نے یو این آئی ارد وکو بتایا کہ جمعرات کے روزپائین شہر کے گنجان آبادی والے علاقے کلوال محلہ رعناواری میں رہائشی مکان سے آگ نمودار ہونے کی اطلاع ملتے ہی فائر اینڈ ایمرجنسی کے اہلکار جائے موقع پر پہنچے ۔
عہدیدار نے بتایا کہ پانچ فائر ٹینڈروں کی مدد سے آگ پر قابو پایا گیا تاہم آتشزدگی کی اس واردات میں دو مکانوں کو جزوی طورپر نقصان پہنچا ہے ۔
دریں اثنا پولیس نے معاملے کی نسبت کیس درج کرکے مزید تحقیقات شروع کی ۔