کیا بات ہے اس ملک کی … اللہ میاں کی قسم اس ملک کو سمجھنا ہماری سمجھ سے باہر ہے‘ہمارے بس میں نہیں ہے ۔اور اس لئے نہیں ہے کہ بات اس ملک کے سیاستدانوں کی ہے۔ مودی جی … اپنے مودی جی مٹی کو ہاتھ لگاتے ہیں اور … اور وہ سونا بن جاتی ہے اور… اور پاکستان کے سیاستدان اگر سونے کو بھی چھولیں تو… تو وہ مٹی بن جائے … اس ملک کے سیاستدانوں کی اسی ادا … اسی ’خوبی ‘نے اس ملک کا بیڑا غرق کردیا ہے اور… اور سو فیصد کردیا ہے ۔اس حد تک کیا کہ اس ملک کے ایک سابق صدر اور پیپلز پارٹی کے شریک چیئر مین ‘ آصف زرداری اپنی قوم کو یہ نوید سناتے ہیں کہ اگر پاکستان دیوالیہ بھی ہو جائیگا تو… تو پاکستانیوں کیلئے دنیا ختم نہیں ہو گی … بالکل بھی نہیںہو گی…یعنی یہ کوئی مسئلہ ہی نہیں کہ اگر ملک دیوالیہ ہو جائیگا اور… اور جب ملک دیوالیہ ہو جائیگا اس سے عام لوگوں کو جن مشکلات کا سامنا کرنا پڑے گا تو… تو کوئی مسئلہ نہیں ہے اور… اور اس لئے نہیںہے کہ زرداری صاحب نے اتنا کمایا ہے کہ ان کی ساتھ پیڑیاں بھی بیٹھ کر کھائیں تب بھی ان کے خزانے میں کوئی کمی نہیں ہو گی … ٹھہرئے بات صرف زرداری صاحب کی نہیں ہے… بلکہ مریم نواز کی بھی ہے … عمران خان کی بھی ہے… عمران خان فوج کے سابق جنرل‘جاوید قمر باجوہ کے پیچھے ہاتھ دھو کر پڑے ہیں اور مریم نواز لیفٹیننٹ جنرل حمید فیض کے کورٹ مارشل کی مانگ کررہی ہیں‘ حمایت کررہی ہیں… بات یہیں پر ختم نہیں ہو تی ہے… بالکل بھی نہیں ہے کہ…کہ اگر مریم نواز اور عمران خان فوج کے ہاتھ دھوکرپیچھے پڑے ہیں تو…تو کچھ اس ملک کی عدلیہ پر حملہ کررہے ہیں… اور اس لئے کررہے ہیں جس طرح پاکستانی سیاستدانوں کا خیال ہے کہ فوج ان کے حریفوں کی پشت پر ہے‘ ان کی حمایت کرتی ہے… اسی طرح ان کا یہ بھی جاننا اور ماننا ہے کہ ملک کی عدلیہ بھی غیر جانبدار نہیں ہے اور… اور بالکل بھی نہیںہے… یعنی اس ملک کی معیشت کا بیڑا غرق ہو گیا ہے ‘ مہنگائی آسمان سے باتیں کررہی ‘فوج اور عدلیہ غیر جانبدار نہیں ہے ‘اس ملک کے حکمران آئی ایم ایف کے اشاروں پر ناچ رہے ہیں ‘ آئی ایم ایف اس وقت فیصلہ کررہا ہے کہ پاکستان میں جس چیز کی قیمت بڑھانے کی ہے اور… اور کس کی گھٹانی ہے… پھر بھی… پھر بھی اس ملک کے سیاستدان ہیں جو ان مسائل کو حل کرنے کے بجائے ‘ ان پر ہی سیاست کررہے ہیں اور… اور اس لئے کررہے ہیں کیونکہ اس ملک کے سیاستدان ہیں ہی ایسے۔ ہے نا؟
