انفراسٹرکچر اقتصادی ترقی کا انجن:وزیر اعظم مودی

نئی دہلی/۴مارچ
وزیر اعظم نریندر مودی نے ہفتہ کو کہا کہ ان کی حکومت بنیادی ڈھانچے کی تعمیر کو ملک کی معیشت کا انجن سمجھتی ہے اور اس راستے پر چلتے ہوئے ملک 2047 تک ایک ترقی یافتہ ملک بننے کا ہدف حاصل کر لے گا۔
بجٹ کے بعد کی ویبینار سیریز کے آج کی قسط میں انفراسٹرکچر ڈیولپمنٹ کے موضوع پر بحث کا آغاز کرتے ہوئے مودی نے کہا”ہمارے ملک میں کئی دہائیوں تک ایک سوچ کا غلبہ تھا کہ غربت صرف ایک مزاج ہے ۔ غربت کو ایک خوبی کے طور پر دیکھا جاتا تھا۔ اسی سوچ کی وجہ سے کہ پہلے کی حکومتیں ملک میں انفراسٹرکچر میں سرمایہ کاری کرنا مشکل محسوس کرتی تھیں“۔
مودی نے کہا کہ گتی شکتی نیشنل ماسٹر پلان ہندوستان کے بنیادی ڈھانچے اور ملٹی ماڈل لاجسٹکس کو تبدیل کرنے جا رہا ہے ۔ یہ معیشت اور انفراسٹرکچر کی ترقی کی منصوبہ بندی، ترقی کو مربوط کرنے کا ایک بہترین ذریعہ ہے ۔
وزیر اعظم نے کہا کہ ملک میں فزیکل انفراسٹرکچر کے ساتھ ہی سماجی انفراسٹرکچر کا بھی مضبوط ہونا ضروری ہے ۔ انہوں نے کہا کہ ہمارا سماجی انفراسٹرکچر جتنا مضبوط ہوگا اتنے ہی باصلاحیت نوجوان، ہنر مند نوجوان کام کرنے کے لیے آگے آ سکیں گے ۔
مودی نے کہا کہ اسی لیے ملک میں اسکل ڈویلپمنٹ پروجیکٹ مینجمنٹ، فنانشل اسکلز پر زور دینا بہت ضروری ہے ۔ انہوں نے کہا کہ ان کی حکومت ہندوستان میں بنیادی ڈھانچے کی ترقی پر ریکارڈ سرمایہ کاری کر رہی ہے ۔ ہماری حکومت نے ملک کو غربت کی سوچ سے باہرنکالا ہے ۔
وزیر اعظم نے کہا کہ گتی شکتی نیشنل ماسٹر پلان کے نفاذ میں ریاستوں کا بھی بڑا رول ہے ۔ مسٹرمودی نے کہا کہ اس بار کے بجٹ میں ریاستوں کے لیے بنیادی ڈھانچے پر سرمایہ کاری کے لیے 50 سال کے بلاسود قرض کی سہولت کو مزید ایک سال کے لیے بڑھا دیا گیا ہے ۔