سوپور میں جاری جھڑپ میں شہری زخمی

سوپور/۲۵اپریل
شمالی کشمیر کے سوپور میں جمعرات کی شام جاری انکاو¿نٹر کے دوران ایک شہری زخمی ہوگیا۔
خبر رساں ادارے کے این او نے حکام کے حوالے سے خبر دی ہے کہ سوپور کے چیک محلہ نوپورہ میں جاری آپریشن کے دوران فاروق احمد ڈار نامی ایک شہری کے کندھے میں گولی لگی۔
زخمی کو قریبی طبی مرکز منتقل کردیا گیا ہے اور اس کی حالت مستحکم بتائی جاتی ہے۔
قبل ازیں عہدیداروں نے بتایا تھا کہ فوج کی 22 آر آر، سی آر پی ایف اور جموں و کشمیر پولیس کی ایک مشترکہ ٹیم نے علاقے میں دہشت گردوں کی موجودگی کے بارے میں مصدقہ اطلاع ملنے کے بعد سوپور کے نوپورہ گاو¿ں میں محاصرے اور تلاشی کی کارروائی کی۔
عہدیداروں نے بتایا کہ جیسے ہی مشترکہ ٹیم مشتبہ مقام کی طرف بڑھی ، چھپے ہوئے عسکریت پسندوں نے فورسز پر فائرنگ کردی جس کے بعد انکاو¿نٹر شروع ہوگیا۔
ذرائع کاکہنا ہے کہ اب تک جھڑپ میں ایک دہشت گرد بھی ہلاک ہو گیا ہے ۔