جموں//
جموں کشمیر کے ضلع سانبہ میں جمعے کے روز سیکورٹی فورسز نے بین الاقوامی کنٹرول لائن کے متصل جنگل علاقوں کا بڑے پیمانے پر سرچ آپریشن لانچ کیا۔
پولیس ذرائع نے اس آپریشن کو معمول کی ایک کڑی قرار دیتے ہوئے کہا کہ یہ آپریشن قصبے کو محفوظ رکھنے کیلئے کئے جانے والے آپریشنز کی ایک کڑی تھی۔
ذرائع نے کہا’’قصبے کو محفوظ رکھنے کیلئے جتنے بھی جنگل علاقے اور مضافاتی علاقے ہیں ان میں لگاتار آپریشنز کئے جاتے ہیں اور آج کا یہ آپریشن اسی سلسلے کی ایک کڑی تھی‘‘۔
ان کے مطابق اس طرح کے آپریشنز سے ایک تو ان علاقوں کی سینیٹائزیشن ہوجاتی ہے اور دوسرا جوانوں کی بھی اورینٹیشن ہوجاتی ہے کہ اگر اس طرح کے حالات بن جائیں تو انہیں کس طرح رد عمل کرنا ہے ۔
ذرائع نے بتایا کہ مصدقہ اطلاع موصول ہونے کے بعد سیکورٹی فورسز نے سانبہ میں بین الاقوامی کنٹرول لائن کے متصل علاقوں کو محاصرے میں لے لیا۔
معلوم ہوا ہے کہ پولیس اور سی آر پی ایف کی بھاری نفری کو علاقے میں تعینات کیا گیا ہے ۔