سری لنکا کی میزبانی کے لیے نیوزی لینڈ کے ٹیسٹ اسکواڈ کا اعلان کر دیا گیا

کرائسٹ چرچ//نیوزی لینڈ کرکٹ (این زیڈ سی) نے بدھ کو سری لنکا کے خلاف اگلے ہفتے شروع ہونے والے دو ٹیسٹ میچوں کے لیے 13 رکنی اسکواڈ کا اعلان کیا۔
این زیڈ سی سلیکٹرز نے انگلینڈ کے خلاف حال ہی میں ختم ہونے والی ٹیسٹ سیریز کے اسکواڈ میں کوئی تبدیلی نہیں کی ہے۔ نیوزی لینڈ نے پہلے ٹیسٹ میں 267 رنز کی شکست کے بعد دوسرا ٹیسٹ ایک رن سے جیت کر سیریز 1-1 سے برابر کر دی۔
نیوزی لینڈ کے کوچ گیری اسٹیڈ نے یہاں نامہ نگاروں سے کہاکہ "ہم نے محسوس کیا کہ ہمارے یہاں جو 13 (کھلاڑی) ہیں وہ آگے بڑھنے کے لیے صحیح ہیں۔ مجھے لگتا ہے کہ جب آپ اس طرح (دوسرے ٹیسٹ میں) جیتیں گے تو آپ کا اعتماد بہتر ہوگا۔”
سلامی بلے باز ڈیون کونوے کی کمر میں تناؤ ہے جبکہ تیز گیند باز میٹ ہنری کی انگلینڈ کے خلاف ٹیسٹ سیریز کے بعد جکڑن ہے۔ تاہم اسٹیڈ نے امید ظاہر کی کہ سری لنکا ٹیسٹ سیریز کے آغاز سے قبل دونوں فٹ ہو جائیں گے۔
ورلڈ ٹیسٹ چیمپئن شپ (ڈبلیو ٹیسی) 2021 کی فاتح نیوزی لینڈ اس بار ڈبلیو ٹی سی کے فائنل سے باہر ہو گئی ہے، حالانکہ سری لنکا کے پاس فائنل میں پہنچنے کا موقع ہے۔
اگر سری لنکا نے بارڈر-گواسکر ٹرافی میں نیوزی لینڈ کو 2-0 سے اور بھارت نے آسٹریلیا کو 4-0 سے شکست دی تو جون میں ہونے والے ڈبلیو ٹی سی فائنل میں سری لنکا-بھارت آمنے سامنے ہوں گے۔
ہندوستان اس وقت ہوم سیریز میں 2-0 سے آگے ہے۔ سری لنکا اور نیوزی لینڈ کے درمیان ٹیسٹ سیریز کا آغاز 9 مارچ سے ہوگا۔
سری لنکا ٹیسٹ سیریز کے لیے نیوزی لینڈ کا اسکواڈ: ٹام لیتھم، ڈیون کونوے، کین ولیمسن، ول ینگ، ہنری نکولس، ڈیرل مچل، ٹام بلنڈل (وکٹ کیپر)، مائیکل بریسویل، ٹم ساؤتھی (کپتان)، میٹ ہنری، نیل ویگنر، اسکاٹ کگلیجن ، بلیئر ٹکنر، جیکب ڈفی، ایش سودھی۔