بین سٹوکس کا وقت سے پہلے آئی پی ایل چھوڑنے کا اعلان

نئی دہلی//
برطانوی آل راؤنڈر بین سٹوکس نے انڈین پریمیئر لیگ (آئی پی ایل) میں کم میچ کھیلنے کا اعلان کر دیا۔ نیوز ویب سائٹ ’پرو پاکستانی‘ کے مطابق 31 سالہ بین سٹوکس نے کہا ہے کہ وہ آئی پی ایل کو قبل از وقت چھوڑ دیں گے تاکہ آئرلینڈ اور آسٹریلیا کے خلاف میچز کی تیاری کر سکیں۔
بین سٹوکس کو گزشتہ سال دسمبر میں ہونے والی نیلامی میں آئی پی ایل کی ٹیم ’چنائی سپرکنگز‘ نے 1 کروڑ 96 لاکھ ڈالر میں خریدا تھا۔
وہ 28 مئی تک آئی پی ایل کھیلیں گے۔ یکم جون کو انہیں لارڈز میں آئرلینڈ کے خلاف اپنی قومی ٹیم کی طرف سے کھیلنا ہے۔ جس کے لیے وہ آئی پی ایل ادھوری چھوڑ کر چلے جائیں گے۔