تو کیاپاکستان ایک ملک نہیں ہے ؟ یقینا پاکستان ایک ملک ہے اور دنیا کے نقشے پر بھی یہ ایک ملک کی حیثیت سے موجود ہے …اس لئے ہم اس کے ملک ہونے سے انکار نہیں کر سکتے ہیں… ہم انکاری نہیں ہو سکتے ہیں… لیکن… لیکن مسئلہ پاکستان کا ملک ہونے یا نہ ہونے کا نہیں ہے… جناب ساری دنیا اس بات کی گواہی دے گی کہ … کہ پاکستان حقیقت میں ایک ملک کی حیثیت سے دنیا میں موجود ہے … لیکن … لیکن کیا پاکستان ایک ملک … ایک آزاد اور خود مختار ملک کی طرح بر تاؤ کررہا ہے تو… تو صاحب جواب نہیں ہے اور… اور یہ ہم نہیں کہہ رہے ہیں … بلکہ آئی ایم ایف کہہ رہا ہے … یہ آئی ایم ایف ہے جس نے پاکستان کو ایک ملک کی طرح بر تاؤ کرنے کو کہا ہے ‘ ملک کو ایک ملک کی طرح چلانے کو کہا ہے ‘ ایسا مشورہ دیا ہے اور… اور اس لئے دیا ہے کیونکہ اس ملک کی حالت خراب ہے… مالی حالت بہت زیادہ خراب ہے اور… اور اس کا اعتراف اس ملک کے وزیر دفاع‘خواجہ آصف نے غیر مبہم الفاط میں یہ کہہ کرکیا کہ ہم ایک ایسے ملک میں رہ رہے ہیں جو دیوالیہ ہو چکا ہے … اس سے بڑاثبوت اور کیا ہو سکتا ہے کہ ہمسایہ ملک واقعی میں دیوالہ ہو چکا ہے اور… اور اسی بات کو ذہن میں رکھتے ہو ئے آئی ایم ایف نے اس ملک کو ملک کی طرح چلانے کی بات کی ہے … جہاں امیروں سے ٹیکس لیا جائے اور غریبوں کو رعایت دی جا ئے ‘ سبسڈی دی جائے … یقینا ایسا ہی ہو تا ہے… ہر ایک ملک میں امیروں سے ٹیکس لیا جاتا ہے اور غریبوں کو سبسڈی کی دی جاتی ہے …لیکن ہمسایہ ملک میں نہیں کہ… کہ وہاں گنگا الٹی بہتی ہے… وہاں غریبوں سے ٹیکس لیا جاتا ہے… امیروں کو سبسڈی فراہم کی جا تی ہے… انہیں ٹیکس دینے سے بچانے کیلئے حکومتیں نئی نئی اسکیمیں متعارف کرتی رہتی ہیں … جس کا نتیجہ یہ ہوا … کہ … کہ اس ملک کے لوگوں ‘ غریب لوگوں کا جینا دو بھر ہوگیا ہے ‘ وہ دو وقت کی روٹی کے حصول میں محو جد و جہد ہیں… انہیں یہ دو وقت کی روٹی جٹاپانا سب سے مشکل کام لگ رہا ہے اور… اور اس لئے لگ رہا ہے کیونکہ پاکستان میںمہنگائی ساتویں آسمان سے باتیں کررہی ہیں …اور ہاں امراء کی دولت بھی ۔ ہے نا؟