کپوارہ میں غیر مقامی کنبے کے پانچ افراد کی دم گھٹنے سے موت

سرینگر//
شمالی کشمیر کے ضلع کپوارہ کے کرالہ پورہ علاقے میں ایک غیر مقامی کنبے کے پانچ افراد کی منگل اور بدھ کی درمیانی شب مشتبہ طور پر دم گھٹنے سے موت واقع ہوگئی۔
اطلاعات کے مطابق اتر پردیش کے بجنور علاقے سے تعلق رکھنے والا ماجد انصاری، جو اپنے کنبے کے ساتھ کرال پورہ میں ایک مکان میں کرایے پر رہتا تھا، کو بے ہوش پایا گیا۔
ذرائع نے کہا کہ مذکورہ شخص کو بے ہوش پاکر مقامی لوگوں نے ڈاکٹر کوطلب کیا تاہم ڈاکٹر کے وہاں پہنچنے پر تمام افراد خانہ کو مردہ پایا گیا۔
متوفین کی شناخت ۳۵سالہ ماجد انصاری‘اس کی اہلیہ۳۰سالہ سوہانہ خاتون‘۴سالہ فیضان انصاری‘۳سالہ ابوز اور ایک نو زائیدہ بچہ شامل ہیں۔
دریں اثنا بلاک میڈیکل افسر کرال پورہ نے پانچ افراد خانہ کی موت کی تصدیق کرتے ہوئے کہا ہے کہ یہ دم گھٹنے کا معاملہ ہوسکتا ہے ۔انہوں نے کہا تاہم لاشیں ہسپتال پہنچنے کے بعد ہی اصل تفصیلات سامنے آئیں گی۔