جی ہاں پاکستان کے وزیر اعظم ‘شہباز شریف کی ’مسئلہ کشمیر‘ پر بھارت کے وزیراعظم ‘ نریندرا مودی کو مذاکرات … سنجیدہ مذاکرات کی پیشکش کو یہ منہ اور مسور کی دال کے علاوہ کچھ اور نہیں کہا جا سکتا ہے…اور بالکل بھی نہیں کہا جا سکتا ہے۔ اس پیشکش سے پہلے پاکستان کے وزیر اعظم کو اپنے قد کا کچھ تو خیال رکھنا چاہئے تھا … ویسے بھی وہ پستہ قد کے آدمی ہیں اور… اورآجکل ہمسایہ ملک کی سیاست میں بھی ان کاقد کچھ زیادہ بڑھا نہیں رہا ہے… اس لئے وزیر اعظم مودی کو مسئلہ کشمیرپر سنجیدہ مذاکرات کی پیشکش سے پہلے شہباز شریف کو ایک نہیں بلکہ ایک سو بار سوچناچاہئے تھا… جو انہوں نے نہیںسوچا اور… اور بالکل بھی نہیں سوچا ۔ کیوں نہیں سوچا ہم نہیں جانتے ہیں اور… اور بالکل بھی نہیں جانتے ہیں ۔شہباز شریف چاہتے ہیں وہ ہمسایہ ملک کے ساتھ کشمیر پر بات چیت کریں … لیکن… لیکن انکے بقول ایسا ہونے سے پہلے… کشمیرپر بات چیت سے پہلے بھارت کو۵؍اگست ۲۰۱۹ کے اقدامات کو واپس لینا ہو گا… دوسرے الفاظ میں ۳۷۰ کو بحال کرنا ہو گا اور… اور سو فیصد کرنا ہو گا… یہ احمقانہ موقف پاکستان کے ناکام ترین وزیر اعظم عمران خان نے اختیار کیا تھا اور… اور نہ جانے شہباز شریف بھی اسی کو تھامے ہو ئے کیوں ہیں؟کیوں ان کی سمجھ میں یہ ایک بات نہیں آ رہی ہے کہ پاکستان در پردہ جنگ … تیس پنتیس برسوں کی درپردہ جنگ کے باوجود ہندوستان کو کشمیرپر سنجیدہ مذاکرات کیلئے مجبور نہیں کرا سکا تو…تو وہ اسے ۳۷۰ بحال کرنے پر کیسے مجبور کر سکتا ہے… وہ بھی تب جب وزیر اعظم مودی ‘ ان کی حکومت اور ان کی جماعت کا جاننا اور ماننا ہے کہ انہوں نے دفعہ ۳۷۰ منسوخ مسئلہ کشمیر کو حل کرنے کیلئے ہی کیا… کشمیر کو بھارت میں مکمل طور پر ضم کرکے اسے ہمیشہ کیلئے حل کر دیا ہے… جب کشمیر ایک مسئلہ تھا ‘تب پاکستان‘ بھارت کو اسے حل کرنے پر مجبور نہیں کر سکا تو… تو اب جبکہ یہ کوئی مسئلہ ہی نہیںریا … اسے کوئی مسئلہ ہی نہیں سمجھا جارہا ہے تو…تو شہباز شریف کی پیشکش کا معنی کیا اور مطلب کیا ؟صاحب سچ تو یہ ہے کہ پاکستان بھی جان گیا ہے‘ وہ بھی جانتا ہے کہ وہ کشمیر کی باری ہار گیا ہے ‘کشمیر اس کے بس کی بات نہیں رہا ہے… اس لئے وہ اسکے حل کیلئے مذاکرات… وہ بھی مشروط مذاکرات کی پیشکش کرکے اگر وہ خود کا مذاق اڑانا چاہتا ہے… خود کو دوسر ے کی نظروں میں مذاق بنانا چاہتے ہے تو… تو عمران خان کی طرح شہباز شریف بھی اپنا یہ شوق پورا کرے اور… اور سو فیصد کرے ۔ ہے نا؟