تل ابیب//
اسرائیلی وزیر اعظم بنجمن نیتن یاہو کے دفتر کو خطرناک مواد پر مشتمل ایک مشکوک پیکٹ ملا ہے۔
’رشیا ٹو ڈے‘ کے مطابق وزیر اعظم کے دفتر سے اتوار کے روز جاری ہونے والے ایک بیان میں بتایا گیا ہے کہ "معمول کی ڈاک میں ایک مشکوک لفافہ موصول ہوا۔ دفتر میں سکیورٹی حکام کے ذریعے اس معاملے کی تحقیقات کی جا رہی ہیں”۔درایں اثنا اسرائیلی میڈیا نے بتایا کہ پولیس کو لفافہ ارسال کرنے والے شخص کو پوچھ تاچھ کے لیے بلایا گیا۔ پولیس فورس، فائر فائٹرز اور پیرا میڈیکس نیتن یاہو کے دفتر میں پہنچے اور لفافے کو تحقیقات کے لیے اپنی تحویل میں لے لیا ہے۔
عبرانی اخبار یدیعوت احرونوت کے آن لائن ایڈیشن وائی نیٹ کے مطابق لفافے پر تیل کے نشانات اور داغ پائے گئے، جس سے شبہ پیدا ہوا کہ اس میں کوئی "خطرناک مادہ” موجود ہے۔ ویب گاہ کے مطابق لفافے کا بعد میں دھماکہ خیز مواد کے ماہر سے معائنہ کیا گیا تاہم کوئی نتیجہ نہیں ملا۔اسرائیلی پبلک براڈکاسٹر "کے اے این 11نے بتایا کہ پولیس نے اضافی جانچ کے لیے لفافے کو قبضے میں لے لیا ہے۔