جموں کشمیر میں کورونا کے ۱۲ نئے کیس، ۱۷؍اضلاع میں کوئی نیامعاملہ درج نہیں

جموں//
جموں کشمیر میں پچھلے چوبیس گھنٹوں کے دوران کورونا وائرس کے۱۲نئے مثبت معاملات سامنے آئے ہیںجن میں سے۱۱کاکشمیر اورایک کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۳ہزار۵۲۷تک پہنچ گئی ہے‘ جن میں سے۱۵۹(صوبہ جموں میں۱۵؍اور کشمیر صوبے میں۱۴۴)سر گرم معاملات ہیں۔اَب تک۴لاکھ۴۸ہزار۹۱۸؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۱۰؍ اور ضلع بانڈی پورہ میں ایک نیا معاملہ درج کئے گئے ۔کپواڑہ ، ضلع اسلام آباد ،بارہمولہ،کولگام ، بڈگام ، پلوامہ ،گاندربل اور شوپیان اضلاع سے مثبت معاملات کی کوئی رِپورٹ نہیں ہے۔
اِسی طرح ضلع جموں میں نئے معاملات آج سامنے آئے ہیں ۔اودھمپور ، راجوری ، ڈوڈہ ،کٹھوعہ ،سانبہ، کشتواڑ ،پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۱۵؍اَفراد شفایاب ہوئے ہیںجن میںجموں صوبے کیایک اور کشمیر کے۱۴؍ افرادشامل ہیں۔