۲۰۲۳:سعودی حکومت کی جانب سے عازمین حج کیلئے متعدد نئی سہولیات فراہم کرنے کا اعلان

سرینگر//(ویب ڈیسک)
سعودی وزارت حج و عمرہ نے اس سال مسلمانوں کیلئے مذہبی فریضہ کی انجام دہی میں آسانی پیدا کرنے کیلئے نئے فیصلے کئے ہیں۔
ایک میڈیا رپورٹ کے مطابق سب سے پہلا نیا اقدام ایئر ٹکٹس کی اقساط میں ادائیگی کی سہولت دی گئی۔ دوسرے فیصلے میں خواتین کو بغیر حرم حج ادائیگی کی رجسٹریشن کی سہولت فراہم کردی گئی اور تیسرے اقدام میں عازمین کی تعداد کو بڑھا دیا گیا ہے۔
ان فیصلوں میں سب سے نمایاں فیصلہ وہ ہے جس سے خواتین کو خاص طور پر فائدہ ہوا۔ خواتین کو بغیر کچھ شرائط کے محرم کے بغیر حج یا عمرہ پر جانے کی چھوٹ دے دی گئی۔ اس فیصلے سے خواتین کے لیے حج اور عمرہ کے لیے جانا آسان ہو گیا ہے۔
سعودی عرب نے اعلان کیا ہے کہ وہ اس سال مسلمانوں کو عازمین حج کی تعداد اور عمر کی پابندی کے بغیر حج کرنے کی اجازت دے گا۔ محمد بن سلمان کے منصوبے کا مقصد عمرہ اور حج کی صلاحیت کو سالانہ ۳۰ ملین تک بڑھانا ہے اور حج آپریشن کے ذریعہ ۲۰۳۰ تک۳۲ء۱۳ بلین ڈالر کی آمدنی حاصل کرنا ہے۔
حج سے متعلق مملکت کی جانب سے جاری کیے گئے فیصلوں میں سالانہ ۳۰ ملین عازمین حج تک پہنچنے کے لیے عازمین کی تعداد میں اضافہ کیا گیا ہے۔ یہ فیصلہ تمام مسلمانوں کو حج کی سہولت فراہم کرنے کے ریاست کے منصوبے کے مطابق ہے۔ اسی فیصلے کے تحت عازمین کی کم سے کم اور زیادہ سے زیادہ عمروں کی حد کو منسوخ کر دیا گیا۔
وزارت حج و عمرہ نے آئندہ حج سیزن۱۴۴۴ ہجری میں حجاج کی نقل و حمل کی ذمہ دار کمپنیوں میں ایئر لائن سیٹ ریزرویشن کی رقم کی جزوی ادائیگی کیلئے ایک نیا فیچر متعارف کرا دیا ہے۔
تاہم وزارت نے اس فیصلے کو منسوخ کرتے ہوئے اگلے ماہ رجب کی چوتھی تاریخ سے شروع ہونے والی حج فیس کی دوسری قسط کی ادائیگی کی آخری تاریخ اگلے ماہ رجب کی ساتویں تاریخ تک بڑھانے کا عندیہ دیا ہے۔ تیسری قسط کی ادائیگی کی آخری تاریخ کے حوالے سے اسے موجودہ سال کے لیے شوال کے مہینے کی دسویں تاریخ تک بڑھا دیا گیا ہے۔ درخواست دہندہ کو اپنے ساتھیوں کو حج کے لیے ادا کیے گئے اسی پیکج میں شامل کرنے کا عہد بھی کرنا ہوگا۔ رپورٹ کے مطابق اس سال وزارت حج و عمرہ نے حج کی رجسٹریشن کے بعد مخصوص حالات میں حج منسوخی کی سہولت بھی فراہم کی ہے۔ اس فیصلے کے مطابق یکم ذو الحج۱۴۴۴ ھ کے بعد بھی موت، معذوری، فوجداری مقدمات، ہسپتال میں داخل ہونے پر مجبور کرنے والے ٹریفک حادثات اور کورونا سے متاثر کیسز کے باعث ایئر ٹکٹ کو منسوخ کیا جا سکے گا۔ ان اعذار کا ثبوت فراہم کرنا ہوگا۔
طریقہ کار کے درست ہونے کیلئے ضروری ہے کہ پہلے’ابشر‘ پلیٹ فارم سے حج پرمٹ منسوخ کر دیا جائے اور پھر وزارت کی ویب سائٹ یا’نسک‘ کے ذریعے ریزرویشن منسوخ کر دیں۔