قومی ترانہ کی توہین کا معاملہ:ممتا بنرجی کے خلاف سمن مسترد

کلکتہ//
قومی ترانہ کی توہین کے معاملے میں وزیر اعلیٰ ممتا بنرجی کو ممبئی کی عدالت نے سمن کو مسترد کردیا ہے ۔ممبئی میں بی جے پی کے ایک لیڈر نے ممتا کے خلاف قومی ترانے کی توہین کی شکایت درج کرائی تھی۔اس کے بعد ممتا بنرجی کو سمن جاری کیا گیا تھا۔عدالت کے خصوصی جج آر این روکڑے نے کہا کہ سمن بھیجنے کے عمل میں گڑبڑی ہے ۔ خصوصی عدالت کے جج نے دعویٰ کیا کہ ممتا کو طلب کرنے والے سٹی سیشن کورٹ کے جج نے قانون کی پاسداری نہیں کی۔جمعرات کو ممبئی کی عدالت کے حکم نامے میں کہا گیا ہے کہ [؟]اس عمل میں کئی دیگر مسائل بھی شامل ہیں جن کے ذریعہ سٹی سیشن کورٹ کے جج نے سمن جاری کیا ہے ۔ مثال کے طور پر شکایت کنندہ بی جے پی لیڈر وویکانند گپتا کے بارے میں معلومات حلف نامہ میں ظاہر کی جانی چاہئے تھی۔ لیکن حقیقت میں ایسا نہیں کیا گیا۔” اس دلیل کے ساتھ خصوصی عدالت نے سمن کا معاملہ مذکورہ جج کو واپس بھیج دیا۔ حکم دیا کہ قانون کے تمام عمل کے مطابق دوبارہ سمن بھیجے ۔
ممتا نے ممبئی کے کف پریڈ میں جسونت راؤ چوان تھیٹر میں ایک پروگرام میں شرکت کی۔ ممبئی بی جے پی سکریٹری گپتا نے الزام لگایا کہ ممتا نے پروگرام کے اختتام پر کرسی پر بیٹھ کر قومی ترانہ گایا۔ اس نے اس کی شکایت کیفے پریڈ پولیس اسٹیشن میں کی۔ پولیس نے کوئی کارروائی نہیں کی۔ اس کے بعد گپتا نے سوری کی سٹی سیشن کورٹ، ممبئی میں شکایت درج کرائی۔ اس کے بعد عدالت نے ممتا کو طلب کر لیا۔ ممتا کو 2 مارچ 2022 کو حاضر ہونے کے لیے کہا گیا تھا۔