راجوری:سابق وی ڈی سی ممبران میں جدید ہتھیار تقسیم

جموں//
جموںکشمیر کے راجوری ضلع کے ڈانگری گاؤں میں سابق وی ڈی سی ممبران کو نئے ہتھیار اور کارتوس تقسیم کئے گئے ۔
معلوم ہوا ہے کہ سابق وی ڈی سی ممبران کو فوج کی جانب سے تربیت بھی دی جارہی ہے۔
اطلاعات کے مطابق جموں کشمیر کے راجوری ضلع کے ڈانگری گاوں میں شہری ہلاکتوں کے بعد جموں وکشمیر انتظامیہ نے لوگوں کے اہم مطالبے کو پورا کیا ہے ۔
معلوم ہوا ہے کہ گزشتہ روز ایل جی منوج سنہا کے سامنے مقامی لوگوں نے مطالبہ کیا کہ سابق وی ڈی سی ممبران کو فوری طورپر جدید اسلحہ فراہم کیا جائے تاکہ ملی ٹینسی کے خلاف وہ از خود مقابلہ کر سکے ۔
ذرائع نے بتایا کہ جمعرات کے روز ضلع انتظامیہ کی وساطت سے سابق وی ڈی سی ممبران کو نئے ہتھیار اور گولیاں تقسیم کی گئیں۔
ذرائع نے بتایا کہ سابق وی ڈی سی ممبران کو فوج کی جانب سے نئے ہتھیاروں کی تر بیت بھی دی جارہی ہے۔
ذرائع کا کہنا ہے کہ ڈانگری گاؤں میں پیش آئے واقعے کے بعد انتظامیہ نے وی ڈی سی ممبران کو پھر سے فعال کرنے اور سابق فوجیوں کو جدید ہتھیاروں سے لیس کرنے کا فیصلہ لیا ہے اور اس پر اب عملدرآمد بھی ہو رہا ہے ۔