جموں//
میئر جے ایم سی راجند ر شرما اور سابق نائب وزراء اعلیٰ جموںوکشمیر ڈاکٹر نرمل سنگھ اور کوویندر گپتا نے آج یہاں راج بھون میں لیفٹیننٹ گورنر منوج سِنہا کے ساتھ ملاقات کی ۔
میئر نے لیفٹیننٹ گورنر کو جموں میونسپل کارپوریشن کے کام کاج سے آگاہ کیا ۔اُنہوں نے دیگر معاملات کے ساتھ کارپوریشن کے کام کاج کو بہتر بنانے کیلئے حالیہ قرار دادوں کے بارے میں بھی جانکاری دی۔
دریں اثنا ، ڈاکٹر نرمل سنگھ اور کوویندر گپتا نے لیفٹیننٹ گورنر کے ساتھ عوامی اہمیت کے متعدد اَمور پر تبادلہ خیال کیا۔
اِس سے قبل جی او سی۱۶ویںکور لیفٹیننٹ جنرل سندیپ جین نے لیفٹیننٹ گورنر سے ملاقات کی اور انہیںحفاظتی صورتحال سے آگاہ کیا۔
لیفٹیننٹ گورنر نے قومی کی حفاظت میں فوج کے کردار کی تعریف کرتے ہوئے جموںوکشمیر میں محفوظ ماحول کو یقینی بنانے کیلئے سیکورٹی ایجنسیوں کے درمیان چوکسی اور زیادہ سے زیادہ ہم آہنگی پر زور دیا۔