کپواڑہ سڑک حادثے میں پانچ مسافر زخمی

سرینگر//
شمالی ضلع کپواڑہ کے گاگل علاقے میں جمعے کی سہ پہر ٹاٹا سومو کو حادثہ پیش آیا جس کے نتیجے میں پانچ افراد زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا۔
سرکاری ذرائع نے بتایا کہ جمعے کی سہ پہر گاگل کپواڑہ میں ایک گاڑی درخت کے ساتھ جا ٹکرائی جس کے نتیجے میں اُس میں سوار پانچ مسافر شدید طور پر زخمی ہوئے ۔
ذرائع نے بتایاکہ حادثے کی اطلاع ملتے ہی مقامی لوگ جائے موقع پر پہنچے اور زخمیوں کو طبی امداد کی خاطر نزدیکی ہسپتال منتقل کیا گیا جہاں سے گاڑی کے ڈرائیور اعجاز احمد کو نازک حالت میں صورہ میڈیکل انسٹی چیوٹ منتقل کیا گیا۔
پولیس نے معاملے کی نسبت کیس درج کرکے مزید تحقیقات شرو ع کی ۔