وادی میں سردی کی شدت میں اضافہ ‘راتیں سرد

سرینگر//
وادی کشمیر میں ٹھٹھرتی سردیوں کا زور مسلسل جاری ہے جس سے لوگ گوناگوں مشکلات سے دوچار ہیں۔
وادی میں سیاحتی مقام پہلگام سرد ترین جگہ رہی جہاں شبانہ درجہ حرارت منفی۸ء۳ڈگری سینٹی گریڈ ریکارڈ ہوا ہے جو معمول سے۵ء۰ڈگری سینٹی گریڈ کم درج ہوا تھا۔
دارلحکومت سرینگر میں کم سے کم درجہ حرارت منفی۲ء۲ ڈگری سینٹی گریڈ ریکارڈ کیا گیا جہاں گذشتہ رات رواں موسم کی اب تک کی سرد ترین رات ریکارڈ ہوئی تھی جب کم سے کم درجہ حرارت منفی۴ء۳ڈگری سنٹی گریڈ ریکارڈ ہوا تھا۔
سرینگر میں منگل کی صبح بھی دھند چھائی رہی جس سے لوگوں کو مشکلات کا سامنا کرنا پڑا۔
سیاحتی مقام گلمرگ میں کم سے کم درجہ حرارت منفی۵ء۳ڈگری سینٹی گریڈ ریکارڈ کیا گیا جو معمول سے۲ء۰ ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت منفی۷ء۲ڈگری سینٹی گریڈ ریکارڈ کیا گیا جو معمول سے۳ء۱ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں کم سے کم درجہ حرارت منفی۲ء۲ڈگری سینٹی گریڈ ریکارڈ کیا گیا جو معمول سے۲ء۱ ڈگری سینٹی گریڈ کم ریکارڈ ہوا تھا۔
محکمہ موسمیات کے ایک ترجمان کے مطابق مغربی ہواؤں کی ایک تازہ لہر۹دسمبر کو وارد وادی ہوسکتی ہے جس کے نتیجے میں وادی میں۹دسمبر کی شام سے۱۰دسمبر کی شام تک برف باری کا امکان ہے ۔
ادھر وادی میں منگل کو بھی صبح سے ہی موسم خشک رہا۔
لداخ یونین ٹریٹری کے ضلع کرگل میں کم سے کم درجہ حرارت منفی۴ء۱۱ڈگری سینٹی گریڈ ریکارڈ کیا گیا جبکہ ضلع لیہہ میں منفی۰ء۸ڈگری سینٹی گریڈ ہوا ہے ۔